سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
46 - ءسوز 1574 8 پىكىر 29 قىركۇيەك, 2020 ساعات 15:41

بۇۇ قارارى ورىندالسىن

ءازىربايجان مەن ارمەنيا اراسىنداعى قاقتىعىس قازاق جۇرتىن الاڭداتىپ وتىر. ۇكىمەت ازىرشە بەيتاراپ ساياسات ۇستانعانىمەن باعدات امىرەەۆ باسقاراتىن تۇركى كەڭەسى كەشە بۇۇ-نىڭ 1993 جىلعى قارارىنا سايكەس ارمەنيا جاعى تاۋلى قاراباقتى ازىربايجانعا قايتارۋ كەرەكتىگىن ەسكەرتتى.

بۇل داۋعا 1991 جىلى ناتيجەسىز ارااعايىندىق جاساپ قازاقستان دا ارالاسقان. سونىڭ سالدارىنان 1991 جىلى 20 قاراشادا تاۋلى قاراباحتا تاۋەلسىز باقىلاۋشى ميسسياسىمەن جۇرگەن قازاقستاننىڭ ىشكى ىستەر ءمينيسترىنىڭ ورىنباسارى، باۋىرىمىز، پولكوۆنيك سايلاۋ سەرىكوۆ قازا تاپتى. ول مىنگەن تىكۇشاقتا 22 ادام بولعان. ەشكىم ءتىرى قالمادى. تىكۇشاقتى ارمياندار اتىپ تۇسىرگەن.

1975 جىلى 1 تامىزدا جاسالعان حەلسينكي كەلىسىمى ەۋروپادا ەكىنشى جاھان سوعىسىنان كەيىنگى شەكارانىڭ مىزعىماستىعىن باياندى ەتكەن بولاتىن.

1991 جىلى 21 جەلتوقساندا الماتىدا تمد-نى قۇرۋ تۋرالى قول قويىلعان شارتتا دا وعان مۇشە مەملەكەتتەر ءبىر ءبىرىنىڭ اۋماقتىق تۇتاستىعىن تانيتىنىن ءارى قۇرمەتتەيتىنىن مالىمدەگەن. دوستاستىق شارتىنا ءازىربايجان جاعىنان پرەزيدەنت اياز مۋتاليبوۆ، ارمەنيا تاراپىنان پرەزيدەنت لەۆون تەر-پەتروسيان قول قويعان. مەملەكەتتەردىڭ قالىپتاسقان شەكاراسى مويىندالعان. ارمەنيا بولسا وسى كەلىسىمدەردى اياققا تاپتاپ وتىر. تاۋلى قاراباقپەن قوسا ءازىربايجاننىڭ جەتى اۋدانىن وككۋپاتسيالاپ العان. ءتىپتى بۇۇ-نىڭ 1993 جىلعى تاۋلى قاراباقتى ازىربايجانعا قايتارۋ تۋرالى قارارىنا دا باعىنبايتىنىن كورسەتتى.

تاۋلى قاراباق ارمەنيانىڭ قولداۋىنا ارقا سۇيەپ، 1988 جىلى ءازىربايجان قۇرامىنان شىعاتىنىن جاريالاعان. سەپاراتيستەر وزدەرىن دەربەس قۇرىلىم رەتىندە كورسەتكىسى كەلگەنىمەن ءىس جۇزىندە ارمەنيادان جەم جەپ وتىر.

ارمەنيانىڭ بولسا رەسەيمەن ىمى-جىمى ءبىر. 1994 جىلى ەكى تاراپ تا قول قويعان بىشكەك حاتتاماسىنان كەيىن قارۋلى قاقتىعىستار توقتاتىلعان. الايدا التى جىلعا سوزىلعان قىرقىستا 30 مىڭ ادام قازا تاپتى، جۇزدەگەن مىڭ جان بوسىپ كەتتى. ەندى مىنە، ارمياندار 27 قىركۇيەكتە وپاسىزدىقپەن كەلىسىمدى بۇزىپ ءازىربايجان تاراپىنا وق جاۋدىرا باستادى. جەرىن باسقىنشىلىقپەن تارتىپ العانى ءۇشىن كەۋدەسىندە وشتىك وتى مازداعان ءازىربايجاندار قارسى شابۋىلعا شىقتى.

ءبىز قازاق جۇرتى قاقتىعىستىڭ دەرەۋ توقتاتىلۋىن، حالىقارالىق نورمالاردى ورەسكەل بۇزىپ وتىرعان ارمەنيا جاعى تاۋلى قاراباح پەن جەتى اۋداندى زاڭدى يەسى ازىربايجانعا قايتارىپ بەرۋىن تالاپ ەتەمىز.

ءازىربايجاننىڭ اۋماقتىق تۇتاستىعىن قولدايمىز. سوندىقتان دا الەمدىك قاۋىمداستىقتى وسى ماقساتتا بىرىگۋگە شاقىرامىز!

مارات ءبايدىلداۇلىنىڭ جازباسى

Abai.kz

8 پىكىر