25 قىركۇيەكتە كەشكە ۋكراينانىڭ حاركوۆ وبلىسىندا ۋكراينا قارۋلى كۇشتەرىنىڭ ان-26 اسكەري ۇشاعى قۇلادى.

ۇشاق وقۋ-جاتتىعۋ اسكەري ءبولىمىنىڭ اەرودرومى ورنالاسقان چۋگۋەۆ قالاسىنىڭ ماڭىندا قونۋعا بەت العان كەزدە اپاتقا ۇشىرادى. ۇشاق بورتىندا ەكيپاج مۇشەلەرىنەن باسقا، ۋكراينا قارۋلى كۇشتەرىنىڭ حاركوۆ اۋە كۇشتەرى ۋنيۆەرسيتەتىنىڭ كۋرسانتتارى بولعان.

"اپات پەن اۋىر زارداپتارعا اكەپ سوققان ۇشۋ جانە وعان دايىندىق ەرەجەلەرىن بۇزۋ" بويىنشا قىلمىستىق ءىس قوزعالدى.

"الدىن الا مالىمەتتەر بويىنشا، بورتتا 28 ادام بولعان، ونىڭ ىشىندە جەتى وفيتسەر جانە 21 كۋرسانت. 25 ادام قايتىس بولدى، ەكەۋى امان قالدى (بىرەۋىنىڭ جاعدايى اۋىر), ءتورت ادامنىڭ تاعدىرى بەلگىسىز. ولاردىڭ ءومىرى ءۇشىن دۇعا ەتەمىز، شۇعىل كومەك كورسەتەمىز", - دەپ جازدى وبلىستىق مەملەكەتتىك اكىمشىلىكتىڭ باسشىسى الەكسەي كۋچەر Telegram-دا.

ۋكراينا پرەزيدەنتى ۆلاديمير زەلەنسكي قايعىلى وقيعا بولعان جەرگە باراتىنىن جانە جاعدايدىڭ ءمان-جايى انىقتالۋ ءۇشىن شۇعىل تۇردە كوميسسيا قۇرىلاتىنىن حابارلادى. "پرەمەر-مينيسترگە ءتيىستى تاپسىرما بەرىلدى. ىزدەۋ توبى جۇمىس ىستەپ جاتىر. ەرتەڭ حاركوۆ وبلىسىندا بولامىن", - دەپ جازدى زەلەنسكي ءوزىنىڭ Telegram-داعى كانالىندا.

Abai.kz