قىرعىزستاننىڭ رەسەيدەگى ەلشىلىگى جاقىن ارادا ولار ءۇشىن جاسىل ءدالىز ۇيىمداستىرعالى جاتقانىن، كەلىسسوز جۇرگىزىپ جاتقانىن مالىمدەدى.

اقپاراتقا قاراعاندا، رەسەيدىڭ ورىنبور وبلىسىنىڭ جانە باشقۇرتستان بيلىگىمەن دالادا قالعان قىرعىزستاندىقتارعا كومەك كورسەتۋ ماسەلەسى بويىنشا كەلىسسوزدەر ءجۇرىپ جاتىر.

رەسەي تاراپ قىرعىزستاندىقتاردى جاتاقحانالارعا، بالالار لاگەرى اينالاسىنا شاتىر تىگىپ جايعاستىرعان. ولارعا قازىر تەگىن تاماق بەرىلىپ جاتىر.

ەلشىلىك قازاقستان شەكارالارى جابىق ەكەنىن، شەتەل ازاماتتارى قازاق اۋماعىنا كىرە المايتىنىن ەسكە سالدى.

قازاقستان اۋماعى ارقىلى قىرعىزداردى اۆتوبۋسپەن الىپ كەتۋ تۋرالى ءوتىنىش حات قازاق بيلىگىنە جىبەرىلگەن. بىراق ءالى جاۋاپ الماعان.

قىرعىزستاندا كوروناۆيرۋس پاندەمياسى باستالعان ناۋرىز ايىنان بەرى رەسەيدەن جالپى 40 968 ازامات ەلىنە ورالدى.

Abai.kz