قر دەنساۋلىق ساقتاۋ ءمينيسترى الەكسەي تسوي قازاقستاندا ونلاين وقۋ جالعاساتىنىن ايتتى. ياعني، ءبىرىنشى توقسان قاشىقتان وقۋ بويىنشا جۇرگىزىلەدى. 

ءمينيستردىڭ ايتۋىنشا، كۇز مەزگىلىندە تۇماۋ ورشيتىندىكتەن، كوروناۆيرۋس ينفەكتسياسىنىڭ دا تارالۋ قاۋپى جوعارى. سوندىقتان وقۋشىلار دا قاشىقتان وقۋ فورماتىن جالعاستىرعانى دۇرىس.

ء“بىرىنشى توقسان ونلاين وقۋ فورماتىندا بولعانى دۇرىس دەپ ەسەپتەيمىز. ودان كەيىن ءبىز ۇجىمدارداعى جاعدايدى باقىلاپ، وقۋ ماسەلەسىن قاي باعىتتا جالعاستىرۋدى كوميسسيانىڭ قاراۋىنا ۇسىنامىز” دەدى تسوي.

ايتا كەتەيىك، بۇعان دەيىن اتا-انالار پرەزيدەنتتىڭ اتىنا پەتيتسيا جازىپ، ءداستۇرلى وقۋ جۇيەسىنە قايتا ورالۋدى سۇراعان ەدى. ودان سوڭ ءبىلىم جانە عىلىم مينيسترلىگى ءداستۇرلى وقۋ جۇيەسىنە ورالۋعا دايىن ەكەندىكتەرىن ايتىپ، باس سانيتار دارىگەردىڭ اتىنا سۇرانىس جىبەرگەنى حابارلانعان. بۇگىن بۇل ماسەلەگە دەنساۋلىق ساقتاۋ ءمينيسترى جاۋاپ بەرىپ، ونلاين وقۋدىڭ جالعاساتىنىن حابارلادى.

Abai.kz