اقش سوتى يلياس پەن ۆيكتور حراپۋنوۆتارعا قارسى سوت ءوندىرىسىنىڭ ءتارتىبىن بۇزعانى ءۇشىن ايىپپۇل سالدى. بۇل تۋرالى قر ادىلەت مينيسترلىگى مالىمدەدى.

«2020 جىلعى 3 قىركۇيەكتە نيۋ-يوركتىڭ وڭتۇستىك وكرۋگى بويىنشا اقش وكرۋگتىك سوتى يلياس پەن ۆيكتور حراپۋنوۆتارعا قارسى سوت ءوندىرىسىنىڭ ءتارتىبىن بۇزعانى ءۇشىن ايىپپۇل سالۋ تۋرالى كەزەكتى قاۋلى شىعاردى.سۋديا كەترين پاركەر حراپۋنوۆتار كوپتەگەن زاڭدى مىندەتتەمەلەردى بۇزعان، دالەلدەمەلەردى ادەيى جويعان جانە كەيبىر دالەلدەمەلەردىڭ ءوز قولدارىندا جوقتىعى تۋرالى جالعان جاۋاپ بەرگەن دەگەن قورىتىندىعا كەلدى»،- دەلىنگەن مينيسترلىك حابارلاماسىندا.

سونداي-اق سوت حراپۋنوۆتاردىڭ وسى ءىس بويىنشا كەيبىر سوت قاۋلىلارىن، سونىڭ ىشىندە يلياس حراپۋنوۆتىڭ قۇپيا ايعاقتاردى رۇقساتسىز تاراتۋعا سالىنعان تىيىمدى بۇزعاندىعىن انىقتادى.

«اعىمداعى جىلعى 3 قىركۇيەكتەگى شەشىم سوتتاردىڭ حراپۋنوۆتار مەن ابليازوۆقا قاتىستى قۇقىققا قايشى مىنەز-قۇلقى جانە سوت ءوندىرىسىنىڭ ءتارتىبىن بۇزعانى ءۇشىن ايىپپۇلدار تاعايىنداۋ تۋرالى ۇستىمىزدەگى جىلعى مامىر ايىندا جانە 2019 جىلعى شىلدە ايىندا شىعارىلعان قاۋلىلارى قاتارىنىڭ جالعاسى بولىپ تابىلادى. بۇل قاتارىنان ساناعاندا بەسىنشى شەشىم بولىپ تابىلادى. ايىپپۇلدىڭ ناقتى مولشەرى تالاپكەرلەردىڭ وزدەرى جۇمساعان سوت شىعىندارىنىڭ سوماسىن سوتقا ۇسىنعاننان كەيىن بەلگىلەنەدى»،-دەلىنگەن.

Abai.kz