قاسىم-جومارت توقاەۆ مينيسترلىكتىڭ 7 ايداعى جۇمىسىنىڭ قورىتىندىلارى مەن ەلدىڭ وتىن-ەنەرگەتيكا كەشەنىن دامىتۋ پەرسپەكتيۆالارى تۋرالى ەسەبىن تىڭدادى.

نۇرلان نوعاەۆ مەملەكەت باسشىسىنا بولاشاقتا تەڭىز كەنىشىن كەڭەيتۋ مەن ەرنەۋلىك قىسىمدى باسقارۋ جونىندەگى جوبالاردىڭ جۇزەگە اسىرىلۋى تۋرالى باياندادى. بۇل جوبالار 2022 جىلدىڭ سوڭىنا دەيىن مۇناي ءوندىرىسىن 12 ملن تونناعا ارتتىرۋعا مۇمكىندىك بەرەدى.

سونداي اق پرەزيدەنتكە 2025 جىلعا دەيىن مۇنايگازحيميا سالاسىندا جالپى سومماسى 15 ملرد اقش دوللارىن بولاتىن جوبالار جۇزەگە اسىرۋ جوسپارلانعانى تۋرالى اقپارات بەرىلدى.

ءمينيستردىڭ ايتۋىنشا، جىل باسىنان بەرى قۋاتتىلىعى 432,05 مۆتتىق جاڭارتىلاتىن قۋات كوزدەرىنىڭ 15 نىسانى ىسكە قوسىلعان. جىل سوڭىنا دەيىن تاعى 260 مۆت جاڭارتىلاتىن قۋات كوزدەرىنىڭ نىساندارى پايدالانۋعا بەرىلمەك.

نۇرلان نوعاەۆ 1 قىركۇيەكتەن باستاپ سالانى تسيفرلاندىرۋ باعدارلاماسى اياسىندا قازبا بايلىقتاردى پايدالانۋ قۇقىعى بويىنشا اۋكتسيونداردى ەلەكتروندى فورماتتا وتكىزۋ جوسپارلانىپ وتىرعانىنا توقتالدى. بۇل كونكۋرستىق ۇدەرىستەردىڭ اشىق ءجۇرۋىن قامتاماسىز ەتىپ، كاسىپكەرلەردىڭ شىعىندارىن ازايتادى.

كەزدەسۋ قورىتىندىسى بويىنشا مەملەكەت باسشىسى ەنەرگەتيكا سالاسىن دامىتۋعا قاتىستى بىرقاتار ناقتى تاپسىرما بەردى.

Abai.kz