ءبىلىم جانە عىلىم مينيسترلىگى قازاقستاندىق باكالاۆر ستۋدەنتتەرىنىڭ، ماگيسترانتتار مەن دوكتورانتتاردىڭ 1 قىركۇيەكتەن باستاپ قالاي وقيتىنىن ءتۇسىندىردى. بۇل تۋرالى ۆەدومستۆونىڭ Telegram-كانالىندا حابارلاندى.

باكالاۆريات. 1 كۋرس

كۇزگى سەمەستر قاشىقتان وقىتۋ فورماتىندا ۇيىمداستىرىلادى. وقۋ 1 قىركۇيەكتە باستالادى. بۇل كۇنى بارلىق ءىس-شارالار ونلاين رەجيمدە وتەدى.

1 كۋرس ستۋدەنتتەرى ءۇشىن 24 تامىزدان باستاپ جوو ساياساتىمەن جانە قاشىقتان وقىتۋ فورماتىمەن تانىسۋ ءۇشىن ونلاين-رەجيمدە باعدارلاۋ اپتالىعى وتكىزىلىپ جاتىر.

وقۋ قۇرالدارى جانە ينتەرنەتكە قوسىلۋ مۇمكىندىگى جوق شالعايداعى وڭىرلەردە تۇراتىن ءبىلىم الۋشىلار ءۇشىن جاتاقحانالاردا ورىن ءبولىنىپ، كومپيۋتەرلەر بەرۋ كوزدەلگەن. ولار وقۋ كورپۋستارىنا بارماي-اق، قاشىقتان وقي الادى.

باكالاۆريات. 2-4 كۋرس

2-4 كۋرس ستۋدەنتتەرى ءۇشىن وقۋ 1 قىركۇيەكتە باستالادى. 20 تامىزدان باستاپ جوو-لار ءوز ستۋدەنتتەرى ءۇشىن تانىستىرۋ ونلاين-كەزدەسۋلەرىن وتكىزىپ جاتىر.

وقىتۋدى پەداگوگيكالىق، گۋمانيتارلىق، الەۋمەتتىك جانە IT-باعىتتار بويىنشا تولىق قاشىقتان وقىتۋ فورماتىنا كوشىرۋ ۇسىنىلادى.

جاراتىلىستانۋ عىلىمدارى، تەحنيكالىق، اۋىل شارۋاشىلىعى، دەنساۋلىق ساقتاۋ جانە ونەر سياقتى باعىتتار بويىنشا وقىتۋدىڭ ارالاس فورماتى كوزدەلگەن. دارىستەر مەن سەمينارلار ونلاين-فورماتتا وتەدى. زەرتحانالىق، پراكتيكالىق جانە ستۋديالىق ساباقتار كامپۋس اۋماعىندا قازان ايىنان كەيىن باستالادى.

وفلاين رەجيمدە وتكىزىلەتىن پاندەر تۋرالى اقپارات الۋ ءۇشىن ستۋدەنتتەر جوعارى وقۋ ورىندارىنا حابارلاسۋ كەرەك.

وقۋ قۇرالدارى جانە ينتەرنەتكە قوسىلۋ مۇمكىندىگى جوق شالعايداعى وڭىرلەردە تۇراتىن ءبىلىم الۋشىلار ءۇشىن جاتاقحانالاردا ورىن ءبولىنىپ، كومپيۋتەرلەر بەرۋ كوزدەلگەن. ولار وقۋ كورپۋستارىنا بارماي-اق، قاشىقتان وقي الادى.

ماگيستراتۋرا

ماگيسترانتتاردى وقىتۋ 14 قىركۇيەكتە قاشىقتان باستالادى.

31 تامىزدا كەشەندى تەستىلەۋ اياقتالادى;
5 قىركۇيەككە دەيىن گرانتقا ءوتىنىش قابىلدانادى;
7 قىركۇيەكتە گرانتتاردى تاعايىنداۋ بويىنشا كونكۋرستىڭ ناتيجەلەرىن جاريالاۋ جوسپارلانىپ وتىر;
8 قىركۇيەكتەن باستاپ جاو (اكىمدىكتەر) گرانتتارىن تاعايىنداۋ كونكۋرسىنا قۇجاتتاردى قابىلداۋ باستالادى;
11 قىركۇيەككە دەيىن جوو-عا قابىلداۋ ءۇشىن وتىنىشتەر قابىلدانادى.

2 كۋرس ماگيسترانتتارى ءۇشىن زەرتتەۋ جۇمىسى قاشىقتان ۇيىمداستىرىلادى. قاجەت بولعان جاعدايدا عىلىمي-زەرتتەۋ جۇمىسىن ۇيىمداستىرۋ ماگيسترانتتاردىڭ وتىنىشتەرى بويىنشا زەرتحانالاردا جۇزەگە اسىرىلادى.

زەرتحانالىق جانە پراكتيكالىق ساباقتار الەۋمەتتىك قاشىقتىق پەن كۇشەيتىلگەن سانيتارلىق شارالاردى ساقتاي وتىرىپ، جەكە كەستە بويىنشا جۇرگىزىلەدى.

وسى كەستەنى ناقتىلاۋ ءۇشىن دوكتورانتتار ءوز وقۋ ورنىنا حابارلاسۋى كەرەك.

دوكتورانتۋرا

دوكتورانتتار وقۋدى 1 قىركۇيەكتە قاشىقتان باستايدى.

1 كۋرس دوكتورانتتارى ءۇشىن وقىتۋ قاشىقتان جۇرگىزىلەدى.

2-3 كۋرس دوكتورانتتارى ءۇشىن زەرتتەۋ جۇمىسى قاشىقتان ۇيىمداستىرىلادى. قاجەت بولعان جاعدايدا عىلىمي-زەرتتەۋ جۇمىسىن ۇيىمداستىرۋ دوكتورانتتاردىڭ وتىنىشتەرى بويىنشا زەرتحانالاردا جۇزەگە اسىرىلادى.

زەرتحانالىق جانە پراكتيكالىق ساباقتار الەۋمەتتىك قاشىقتىق پەن كۇشەيتىلگەن سانيتارلىق شارالاردى ساقتاي وتىرىپ، جەكە كەستە بويىنشا جۇرگىزىلەدى.

وسى كەستەنى ناقتىلاۋ ءۇشىن دوكتورانتتار ءوز وقۋ ورنىنا حابارلاسۋى كەرەك.

ينتەرناتۋرا جانە رەزيدەنتۋرا

ينتەرناتۋرا مەن رەزيدەنتۋرادا وقىتۋ كۇندىزگى-قاشىقتان وقىتۋ فورماتىندا جۇزەگە اسىرىلادى.

Abai.kz