بيىل ءبىرىنشى سىنىپ وقۋشىلارى 1-2 توقساندا «الىپپە»، ال 3-4 توقساندا «انا ءتىلىن» وقيدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاتسيالار الاڭىندا وتكەن بريفينگتە ءجۋرناليستىڭ قويعان سۇراعىنا بەرگەن جاۋابىندا مالىمدەدى.

ونىڭ ايتۋىنشا، قازىرگى ۋاقىتتا باعدارلاما ازىرلەنىپ، بەكىتۋگە دايىن. وقۋلىق احمەت بايتۇرسىنۇلىنىڭ ادىستەمەسى نەگىزىندە جاسالادى.

«قازاق تىلىنە ءتان قاسيەتتەر، وزىنە ءتان ماسەلەلەرى ەسكەرىلە وتىرىپ، دايىندالادى. مىسالى، وڭايدان كۇردەلىگە كوشۋ. دىبىستار بويىنشا. ويتكەنى قازاق ءتىلىنىڭ ءوزىنىڭ ەرەكشەلىكتەرى بار. ءوزىنىڭ فونەتيكالىق ەرەكشەلىكتەرى بار. عالىمدارمەن بىرلەسە وتىرىپ، وسى باعدارلامانى جاسادىق. مازمۇنى جاعىنان الىپ قاراعاندا بۇل بالالار ءۇشىن وتە ءتيىمدى بولادى. بالالار دايىن ماتىندەردى عانا وقىماۋ كەرەك. ولار 1-سىنىپقا ءارتۇرلى دەڭگەيمەن كەلەدى. بالالر وقۋدى وسى ادىستەمەمەن باستايدى»، - دەدى قر بعم ءمينيسترى.