رەسەيدە نيكيتا يساەۆ دەگەن ءبىر جالىنداپ تۇرعان، زاماناۋي جاستار اراسىنان شىققان جاس قايراتكەر بار ەدى. ورىستىڭ توك-شوۋلارىنا شىعىپ، بيلىكتى ولتىرە سىناپ، پۋتيننىڭ يت تەرىسىن باسىنا قاپتاتاتىن. ول ورىستىڭ بولاشاعىنان ۇلكەن ءۇمىت كۇتتىرەتىن جاستىڭ ءبىرى ەدى.

سول جىگىت بىلتىر قاراشا ايىندا پويىزدا ساپارلاپ كەلە جاتىپ، ۋلانىپ، قايتىس بوپتى. قىلشىلداپ، جۇلىنىپ تۇرعان جىگىت اياق استىنان ولە سالدى. ونىڭ ءولىمىنىڭ اياعى جۇمباق بوپ، سول كۇيى قالا بەردى.

ءپۋتيندى قاتتى سىناعىش ساياساتكەردىڭ ءبىرى بوريس نەمتسوۆ بولاتىن. ونى 2013 جىلى تاپ كرەملدىڭ قاسىندا اتىپ كەتتى. ونىڭ ءولىمىنىڭ ارتى دا سيىرقۇيىمشاقتانىپ قالا بەردى.

بۇرىنعى بارلاۋشى پودپولكوۆنيك الەكساندر ليتۆينەنكو. 2006 جىلى لوندوندا ۋلانىپ ءولدى. ول دا ءپۋتيندى قاتتى سىنادى.

سەرگەي سكريپال كگب - فسب پولكوۆنيگى، ءپۋتيندى سىنادى. ول 2018 جىلى ۋلانىپ، اۋپىرىمدەپ امان قالعان جاننىڭ ءبىرى. قازىر مۇگەدەك.

ەندى مىنە، بۇگىنگى ءپۋتيننىڭ باستى سىناعىشى ءارى ساياسي قارسىلاسى، قوعام قايراتكەرى، ورىستىڭ جاڭا وپپوزيتسيالىق تولقىنىنىڭ باسشىسى - الەكسەي ناۆالنىي عۇمىرىنىڭ قىلشىلداپ تۇرعان شاعىندا ۋلانىپ ءولىم اۋىزىندا جاتىر.

ولجاس ءابىلءدىڭ جازباسى

Abai.kz