مەملەكەت باسشىسى قاسىم-جومارت توقاەۆ تۇركىستان وبلىسىنا جۇمىس ساپارىمەن باردى.

بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook جەلىسىندەگى جەكە پاراقشاسىندا جازدى.

- مەملەكەت باسشىسى قاسىم-جومارت توقاەۆ تۇركىستان وبلىسىنا جۇمىس ساپارىمەن كەلدى. پرەزيدەنت ساپار بارىسىندا ماقتاارال اۋدانىنا بارىپ، ساردوبا سۋ قويماسىندا بولعان اپاتتىڭ سالدارىن جويۋ جۇمىستارىمەن، زارداپ شەككەن ازاماتتار ءۇشىن سالىنعان تۇرعىن ۇيلەردىڭ قۇرىلىسىمەن تانىسىپ، تۇرعىندارمەن كەزدەسەدى. ​

بۇدان كەيىن ارىس قالاسىنا بارادى. وندا بىلتىر جارىلىس بولعان اسكەري ءبولىمدى قايتا قالپىنا كەلتىرۋ جۇمىسىمەن تانىسىپ، تۇرعىندار ءۇشىن جاڭادان سالىنعان جانە جوندەلگەن ۇيلەردى، قايتا قالپىنا كەلتىرىلگەن تەمىر جول ۆوكزالىن ارالاپ كورەدى. ​

قازاقستان پرەزيدەنتى جۇمىس ساپارىنىڭ سوڭىندا تۇركىستان قالاسىنا بارىپ، قوجا احمەت ياسساۋي كەسەنەسىندەگى جوندەۋ جۇمىستارىن كورىپ، «ساپار ورتالىعىنىڭ» قىزمەتىمەن تانىسىپ، جاڭادان سالىنعان «جىبەك جولى» ساياباعىن ارالايدى، - دەپ جازدى بەرىك ءۋالي.

Abai.kz