ءبىلىم مينيسترلىگى ازىرگە وقۋشىلاردىڭ ءبارىن مەكتەپكە شاقىرۋعا دايىن ەمەس. سول سەبەپتەن 1 قىركۇيەكتە ەلدەگى 3 ملن 300 مىڭ وقۋشىنىڭ تەك جارتى ميلليونى عانا مەكتەپ پارتاسىنا وتىرادى.

قالعان 2 ملن 600 مىڭ بالا قاشىقتان وقۋدى جالعاستىرادى. ولارعا ارنالعان ساباق مەملەكەتتىك ارنالار مەن ينتەرنەتتەن كورسەتىلەدى. ال كوللەدج بەن جوعارى وقۋ ورىندارىندا ساباق ونلاي جالعاسا بەرمەك.

ساۋالناما ناتيجەسىنە سايكەس، قازاقستاندا بالالارى بار جارتى ميلليوننان استام وتباسى ينتەرنەتسىز وتىر. تىپتەن كەيبىر وتباسىندا كومپيۋتەر جوق. كەيبىر مۇعالىمدەر دە وسىنداي جاعدايدا.

قاسكەلەن قالاسىنداعى مەكتەپ وقۋشىلارى قولدارىنا جازۋ ۇستاعان پلاكات ۇستاپ نارازىلىققا شىققان: الماتىدان 30 شاقىرىم قاشىقتىقتا ورنالاسقان بۇل قالادا ينتەرنەتپەن پروبلەما بار.

ء"بىز ويىن الاڭىن تالاپ ەتپەيمىز. ءبىز دۇرىس وقىعىمىز كەلەدى. سوندىقتان بىزگە ينتەرنەت قوسىپ بەرۋىن تالاپ ەتەمىز" – دەدى وقۋشىلار.

"1 قىركۇيەككە دەيىن 500 مىڭنان استام وقۋشىلاردى كومپيۋتەرمەن قامتاماسىز ەتۋدى جوسپارلاپ وتىرمىز. ءبىر اي ىشىندە مۇعالىمدەردى دە كومپيۋتەرمەن قامتاماسىز ەتەمىز. 24 مىڭ مۇعالىمدە كومپيۋتەر جوق", - دەگەن ەلدىڭ ءبىلىم جانە عىلىم ءمينيسترى اسحات ايماعامبەتوۆ.

Abai.kz