لوندون. 6 جەلتوقسان. قازتاگ - دۇيسەنبى كۇنى تۇسكى ۇزىلىستەن كەيىن مۇحتار ءابليازوۆتى لوندوننىڭ جوعارعى سوتىنا قۇرمەت تانىتپاعانى ءۇشىن ايىپتاۋ بويىنشا سوت وتىرىسىندا «بتا بانك» اق تاراپىنان كۋاگەر كريس حاردماننىڭ كۋاگەرلىگى تىڭدالدى.

ك. حاردمان - حوگان لوۆەللس زاڭگەرلىك كومپانياسىنىڭ جەتەكشى مامانى، بانك جاعىنىڭ باستى كۋاگەرلەرىنىڭ ءبىرى. ونىڭ كۋاگەرلىگىندە م. ءابليازوۆتىڭ سوت بۇيرىقتارىن بۇزعانى ايتىلدى، بۇل ءۇشىن بانك قارجى ينستيتۋتىنىڭ بۇرىنعى باسشىسىن قاماۋعا الۋدى تالاپ ەتىپ وتىر.

لوندوننىڭ جوعارعى سوتىنىڭ شەشىمىنە سايكەس، بتا بانك بانككە م. ءابليازوۆ كەلتىرگەن شىعىندى وتەۋ تۋرالى جەتى ارىزى بويىنشا پروتسەستەر اياقتالعانشا م. ءابليازوۆ ءوز اكتيۆتەرىن KPMG كومپانياسىنا سىرتقى باسقارۋعا بەرۋگە ءتيىس بولاتىن.

جاۋاپكەردىڭ ادۆوكاتى دانكان مەتيۋس ارىزدانۋشى م. ءابليازوۆتىڭ كىناسىنىڭ دالەلى رەتىندە ۇسىنعان قۇجاتتارعا قاتىستى سۇراقتار قويدى. سۇراقتاردىڭ بىرقاتارى لوندوننىڭ قويما كومپانيالارىنىڭ بىرىنەن كونتەينەردى سانكتسيا ارقىلى تاركىلەۋ رەتىندە الىنعان قۇجاتتاردى جاريالاۋعا قاتىستى بولدى.

لوندون. 6 جەلتوقسان. قازتاگ - دۇيسەنبى كۇنى تۇسكى ۇزىلىستەن كەيىن مۇحتار ءابليازوۆتى لوندوننىڭ جوعارعى سوتىنا قۇرمەت تانىتپاعانى ءۇشىن ايىپتاۋ بويىنشا سوت وتىرىسىندا «بتا بانك» اق تاراپىنان كۋاگەر كريس حاردماننىڭ كۋاگەرلىگى تىڭدالدى.

ك. حاردمان - حوگان لوۆەللس زاڭگەرلىك كومپانياسىنىڭ جەتەكشى مامانى، بانك جاعىنىڭ باستى كۋاگەرلەرىنىڭ ءبىرى. ونىڭ كۋاگەرلىگىندە م. ءابليازوۆتىڭ سوت بۇيرىقتارىن بۇزعانى ايتىلدى، بۇل ءۇشىن بانك قارجى ينستيتۋتىنىڭ بۇرىنعى باسشىسىن قاماۋعا الۋدى تالاپ ەتىپ وتىر.

لوندوننىڭ جوعارعى سوتىنىڭ شەشىمىنە سايكەس، بتا بانك بانككە م. ءابليازوۆ كەلتىرگەن شىعىندى وتەۋ تۋرالى جەتى ارىزى بويىنشا پروتسەستەر اياقتالعانشا م. ءابليازوۆ ءوز اكتيۆتەرىن KPMG كومپانياسىنا سىرتقى باسقارۋعا بەرۋگە ءتيىس بولاتىن.

جاۋاپكەردىڭ ادۆوكاتى دانكان مەتيۋس ارىزدانۋشى م. ءابليازوۆتىڭ كىناسىنىڭ دالەلى رەتىندە ۇسىنعان قۇجاتتارعا قاتىستى سۇراقتار قويدى. سۇراقتاردىڭ بىرقاتارى لوندوننىڭ قويما كومپانيالارىنىڭ بىرىنەن كونتەينەردى سانكتسيا ارقىلى تاركىلەۋ رەتىندە الىنعان قۇجاتتاردى جاريالاۋعا قاتىستى بولدى.

ك. حاردماننىڭ سوتقا حابارلاعان اقپاراتىنا سايكەس، 600-دەن اسا وففشورلىق كومپانيانىڭ قىزمەتىنە قاتىستى كوپ قۇجاتتاردىڭ قۇپيا قويماسىنىڭ بار ەكەنىن حوگان لوۆەللس زاڭگەرلىك كومپانياسى انىقتاعان. بۇل قويماعا تۇراقتى كەلۋشى ءسالىم شالاباەۆ بولعان، ول اعاسى سىرىم شالاباەۆقا م. ءابليازوۆتىڭ اكتيۆتەرىن سوتتان جاسىرۋدا كومەكتەسكەن. سىرىم شالاباەۆتى بريتان سوتى سوت بۇيرىقتارىن بىرنەشە رەت ورىنداماعانى ءۇشىن 18 ايعا تۇرمەگە قاماۋعا كەسكەن.

سوت تىڭداۋى بارىسىندا بەلگىلى بولعانداي، ءسالىم شالاباەۆ Big Yellow Box قويما كەشەنىنىڭ اۋماعىنداعى كونتەينەردەن قۇجاتتار سالىنعان جابىق قوراپتاردى الىپ، BishopsAvenue-دەگى ءابليازوۆتىڭ رەزيدەنتسياسىنا اپارىپ وتىرعان. ءبىراز ۋاقىتتان كەيىن قۇجاتتاردى قايتادان كونتەينەرگە اپارىپ جۇرگەن.

بۇل كونتەينەردە سوتتان جاسىرىلعان اكتيۆتەرگە قاتىستى قۇجاتتار ساقتاۋلى جاتقانىن كۇدىكتەنگەن بتا زاڭگەرلەرى قويماعا رەيد جاسادى. جالپى 12 ساعاتقا جالعاسقان تەكسەرۋ بارىسىندا زاڭگەرلەردىڭ اتالعان كونتەينەردە م. ءابليازوۆ الاياقتىق جولمەن تاپقان قارجىسىن جاسىرۋ ءۇشىن پايدالانعان وففشورلىق كومپانيالارعا قاتىستى قۇجاتتاردى ساقتادى دەگەن كۇدىكتەرىن قۋاتتايتىن ايعاقتار جينالدى.

ءبىر كونتەينەردى جالعا الۋ قاجەتتىلىگى قۇجاتتاردىڭ كوپتىگىمەن جانە سوتتان جاسىرىپ، اتالعان كومپانيالارعا باقىلاۋدى ساقتاۋ نيەتىمەن ءتۇسىندىرىلدى، ءاربىر كومپانيا بويىنشا قۇجاتتاردىڭ سانى بىرنەشە تومعا دەيىن بارادى. م. ءابليازوۆ قۇجاتتاردى جويا المادى، ويتكەنى كەيىن وففشورعا شىعارعان اكتيۆتەرىنە مەنشىك قۇقىعىن دالەلدەي المايتىن ەدى.

ءسالىم شالاباەۆ كونتەينەردەن جۇيەلى تۇردە قۇجاتتاردى الىپ، م. ءابليازوۆتىڭ ۇيىنە اپارۋ فاكتىسى م. ءابليازوۆتىڭ بتا-دان الاقتىق جولمەن شىعارىلعان اكتيۆتەردى سوتتان جاسىرۋ وپەراتسيالارىنا ءوزى قاتىسقانىن دالەلدەيدى، دەپ ەسەپتەيدى بتا جاعى.

م. ءابليازوۆتىڭ ءوزى حاردماننىڭ كۋاگەرلىگى تىڭدالعان ۋاقىتتا سوت زالىنان ءبىر مينۋتقا دا شىقپاعان، تۇسكى ۇزىلىسكە دە بارماعان، تەك كونسۋلتاتسيا الۋ ءۇشىن زاڭگەرلەرىمەن بىرگە كەڭەس زالىنا شىققان.