بۇل تۋرالى امەريكا بارلاۋشىلارىنىڭ مالىمەتىنە سۇيەنگەن اقش اقپارات قۇرالدارى حابارلادى.

ەسەپكە سايكەس، رەسەيدىڭ اسكەري بارلاۋشىلارى كەمىندە ءۇش رەسۋرس: InfoRos.ru, Infobrics.org جانە OneWorld.press سايتتارىندا 150-دەن استام ماقالا جاريالاپ، كوروناۆيرۋس تۋرالى كونسپيرولوگيالىق تەوريالاردى ناسيحاتتاعان. اتاپ ايتقاندا، كوروناۆيرۋس امەريكالىق اسكەري زەرتحانادا بيولوگيالىق قارۋ رەتىندە جاسالدى دەگەن قىتاي تۇجىرىمىن دامىتىپ، تاراتقان. قۇجاتتا دەنيس تيۋرين جانە الەكساندر ستارۋنسكيدىڭ اتى-جوندەرى اتالادى، ولار وسى ماتەريالداردىڭ شىعۋىنا تىكەلەي اتسالىسقان. امەريكا بارلاۋشىلارىنىڭ ايتۋىنشا، ولاردىڭ رەسەي بارلاۋشىلارىنا قاتىسى بار.

InfoRos.ru سايتى رەسەي ۇكىمەتىنە تيەسىلى، قالعان ەكى سايت رەسمي تۇردە تاۋەلسىز اقپارات پورتالدارى دەپ اتالادى. New York Times دەرەككوزىنىڭ ايتۋىنشا، اقش فەدەرالدىق تەرگەۋ بيۋروسى تاعى ءبىر ينتەرنەت-باسىلىم - Strategic Culture Foundation سايتى مەن رەسەيدىڭ سىرتقى بارلاۋ قىزمەتى اراسىنداعى بايلانىستى زەرتتەپ جاتىر. مامىر ايىندا ول سايتتا تانىمال كرەمل سىنشىسى باراك وباما اكىمشىلىگىنە جۇمىس ىستەگەن ەۆەلين فاركاستى قارالايتىن ماقالا جاريالانعان. فاركاس ماۋسىم ايىندا دەموكراتتاردىڭ ىشكى سايلاۋىندا جەڭىلىپ قالعان.

InfoRos.ru سايتى رەسەي بارلاۋشىلارىنا قاتىسى جوعىن ايتىپ، ايىپتاۋدى جوققا شىعارادى.

Abai.kz