«الەۋمەتتىك مەديتسينالىق ساقتاندىرۋ قورىنا» كوروناۆيرۋسپەن كۇرەسكە بيۋدجەتتەن تاعى 250 ميلليارد تەڭگە بولىنەدى. بۇل تۋرالى قوردىڭ جاڭادان تاعايىندالعان باسشىسى بولات توكەجانوۆ ورتالىق كوممۋنيكاتسيالار قىزمەتىندە وتكەن ءباسپاسوز وتىرىسىندا مالىمدەدى.

ونىڭ ايتۋىنشا، بۇل اقشا كۇزدە ءورشيتىن تۇماۋ مەن ينفەكتسيالىق اۋرۋلارعا، كوروناۆيرۋستى ەمدەۋگە جۇمسالاتىن كورىنەدى.

بۇعان دەيىن كوروناۆيرۋسپەن كۇرەس شارالارىنا جالپى 56,7 ميلليارد تەڭگە بولىنگەن. ءمامس باسشىسىنىڭ مالىمەتىنشە، بۇل  اقشانىڭ 38,1 ميلليارد تەڭگەسى قاۋىپتى ايماقتاردا جۇمىس ىستەگەن مەديتسينا قىزمەتكەرلەرىنە قوسىمشا اقى تولەۋگە جۇمسالعان. ال، 13,4 ميللياردى مەديتسينالىق كومەك پەن ستاتسيونارلارعا، 5,2 ميللياردى پتر-دياگنوستيكاعا بولىنگەن.

سونىمەن قاتار، قور ماۋسىم ايىنىڭ سوڭىندا قاۋىپتى ايماقتاردا جۇمىس ىستەگەن مەديتسينا قىزمەتكەرلەرى مەن جەتكىزۋشى مەكەمەلەرگە كورسەتىلگەن قىزمەتتەرگە 44 ميلليارد تەڭگە تولەپتى.

ايتا كەتەيىك، جىل باسىندا «الەۋمەتتىك مەديتسينالىق ساقتاندىرۋ قورىنداعى» اكتيۆتەرى 251 ملرد.تەڭگەنى قۇراعان. ال، ءبىرىنشى جارتىجىلدىقتاعى كىرىس 260 ملرد.تەڭگە. ونىڭ ىشىندە مەملەكەت الىمى 147 ميللارد تەڭگە بولعان.

سونىمەن قاتار، ءمامس كە تۇسەتىن قاراجاتتىڭ 76 ميلليارد تەڭگەسى جۇمىس بەرۋشىلەردەن، 37 ميللياردى ءوزىن-ءوزى جۇمىسپەن قامتىعانداردان تۇسكەن. ال، قور اكتيۆتەرى 2020 جىلدىڭ 1 شىلدەسىندە 361 ميللياردتان اساقان.

Abai.kz