قىتاي العاشقى "تيانۆەن-1" اۆتوماتتاندىرىلعان پلانەتاارالىق ستانتسياسىن ۇشىردى.

ستانتسيا 2021 جىلدىڭ 11 اقپانىندا مارسقا جەتەدى. بۇل تۋرالى قىتايدىڭ "سينحۋا" مەملەكەتتىك اگەنتتىگى حابارلادى.

عارىش اپپاراتى جالعانعان اۋىر "چانچجەن-5" زىمىران تاسىعىشى 23 شىلدەدە وڭتۇستىكتەگى حاينان پروۆينتسياسىندا ورنالاسقان ۆەنچان عارىش ايلاعىنان ۇشتى. 36 مينۋتتان سوڭ زوند وربيتاعا شىقتى.

ميسسيا ماقساتى — مارستاعى تىرشىلىك ءىزىن زەرتتەۋ، سونىمەن بىرگە ادامزاتتىڭ پلانەتانى كولونيزاتسيالاۋ مۇمكىندىگىن قاراستىرۋ. ميسسيا ءساتتى وتسە، عالىمدار پلانەتانىڭ اتموسفەراسىن، رەلەفىن، ماگنيت ءورىسىن جانە باسقا دا ەرەكشەلىگىن تەكسەرە الادى. قىتاي بيلىگى 2017 جىلى كۇن جۇيەسىن زەرتتەۋ جونىندەگى اۋقىمدى جوسپارىن جاريالادى. مارستى زەرتتەۋ - وسى جوسپاردىڭ ءبىر بولىگى.

وسى اپتادا وسىمەن ەكىنشى ميسسيا مارسقا اتتاندى. 20 شىلدەدە بىرىككەن اراب امىرلىگى عارىش اپپاراتىن قىزىل پلانەتاعا ۇشىرعان.

Abai.kz