قازاقستان مۇسىلماندارى ءدىني باسقارماسى كوروناۆيرۋس ىندەتى كەزىندە جانازا نامازى مەن جەرلەۋ ءراسىمىن وتكىزۋگە قاتىستى مالىمدەمە جاسادى.

قازاقستان مۇسىلماندارى ءدىني باسقارماسى ەلىمىزدەگى كارانتين ءىس-شارالارىن ساقتاي وتىرىپ، ىندەتتىڭ الدىن الۋ ماقساتىندا ەل ازاماتتارىن جانازا نامازى مەن جەرلەۋ ءراسىمىن وتكىزۋگە قاتىستى تالاپتاردى ورىنداۋعا جانە ءدىن قىزمەتكەرلەرىنە بارىنشا قولداۋ كورسەتۋگە شاقىرادى.

ءمايىتتى جۋدى، كەبىندەۋدى، جانازا نامازىن وقۋدى جانە قابىرگە قويۋدى سانيتارلىق-ەپيدەميولوگيالىق تالاپتارعا ساي وتكىزۋگە;

جانازا نامازىنا، جەرلەۋ ىسىنە قاتىساتىن ادامدارعا بەتپەردە تاعۋعا، قول الىسىپ امانداسپاۋعا;

جانازا نامازىن ۇزاعىمەن 5 مينۋت ىشىندە وتكىزۋگە، ءمايىتتى جەرلەپ بولعاننان كەيىن حالىقتى كوپ ۇستاماي لەزدە قايتارۋعا;

زەينەت جاستاعى كىسىلەرگە، دەنساۋلىعى ناشار نەمەسە اۋىرىپ جۇرگەن ادامدارعا جانە مەكتەپ جاسىنداعى بالالارعا جانازا نامازىنا قاتىسپاۋعا;

جانازا نامازىنا جانە قابىر باسىندا بارلىق قاتىسۋشىلاردى قوسقاندا 10 كىسىدەن ارتىق جينالماۋعا;

جانازا نامازىن قوعامدىق ورىنداردا وتكىزبەۋگە;

قابىر باسىن كوتەرۋ، كەسەنە سالۋ جانە ونى قورشاۋ جۇمىستارىن توقتاتىپ، مارقۇمنىڭ باسىنا بەلگى قويۋمەن شەكتەلۋگە;

حالىقتى جيناپ قوناق اسىن وتكىزۋدى، جەرلەۋ راسىمىنەن كەيىن اس بەرۋدى، جەتىسى، قىرقى، جىلى ت.ب. قۇدايى استاردى ەلىمىزدە ەپيدەميولوگيالىق جاعداي تولىق تۇراقتالعانعا دەيىن توقتاتۋ ۇسىنىلعان.

Abai.kz