سەنبى, 4 مامىر 2024
1883 1 پىكىر 13 شىلدە, 2020 ساعات 11:01

ددسۇ: قازاقستانداعى پنەۆمونيا COVID-19 بولۋى مۇمكىن

دۇنيەجۇزىلىك دەنساۋلىق ساقتاۋ ۇيىمىنىڭ توتەنشە جاعدايلار جونىندەگى ديرەكتورى مايكل رايان قازاقستانداعى پنەۆمونيانىڭ كوبى COVID-19 اۋرۋى بولۋى مۇمكىن دەدى. ونىڭ سوزىنشە، پنەۆمونيانىڭ كوپتەگەن قوزدىرعىشى بولۋى مۇمكىن، بىراق ەلدە كوروناۆيرۋس ءورشۋىن ەسكەرسە، ولاردىڭ كوبى COVID-19 اۋرۋى بولۋى ىقتيمال.

- ەل بيلىگى كەيىنگى جەتى كۇندە 10 مىڭنان استام ادامنان COVID-19 انىقتالعانىن ايتتى. دەمەك ەلدە كوروناۆيرۋستىڭ ءوزى قاتتى ءورشىپ وتىر. ءبىز قازىر تەستىلەۋگە جانە ونىڭ ساپاسىنا كوڭىل ءبولىپ جاتىرمىز. پنەۆمونياعا شالدىققانداردىڭ تەستتەرى جالعان تەرىس ناتيجە كورسەتۋى مۇمكىن. بۇل راس بولسا، پنەۆمونياعا شالدىققانداردىڭ كوبى COVID-19 ينفەكتسياسىن جۇقتىرعان بولۋى مۇمكىن. بىراق مۇنى ۋاقىت كورسەتەدى، - دەدى رايان جۇما 10 شىلدە كۇنى جەنەۆاداعى بريفينگتە.

ددسۇ-نىڭ قازاقستانداعى ىندەتتىڭ ورشۋىنە نازار اۋدارۋىنا ەلدەگى قىتاي ەلشىلىگىنىڭ حابارلاماسى تۇرتكى بولدى. 9 شىلدە كۇنى ەلشىلىك ازاماتتارىنا قازاقستاندا «COVID-19 ۆيرۋسىمەن سالىستىرعاندا الدەقايدا كوپ ادامنىڭ ولىمىنە اكەپ سوعاتىن» «بەلگىسىز پنەۆمونيا» بار دەگەن اقپار تاراتقان. ەلشىلىك سايتىندا جاريالانعان بۇل حابارلامانى گونكونگتىڭ South China Morning Post باسىلىمى ءىلىپ اكەتىپ، الەمدىك باق-تىڭ نازارىن اۋدارتتى. كەيىنگى ەكى ءۇش كۇندە باتىس باسىلىمدارى قازاقستانداعى «بەلگىسىز پنەۆمونيا» تۋرالى جارىسا جازدى. 10 شىلدە كۇنى قازاقستان دەنساۋلىق ساقتاۋ مينيسترلىگى ەلشىلىك اقپاراتىن تەرىستەدى، بىراق «جالعان» اقپاراتتى تاراتۋشى رەتىندە ەلشىلىكتى ەمەس، كەي باق-تاردى كورسەتتى.

ارتىنشا قازاقستان دەنساۋلىق ساقتاۋ ءمينيسترى الەكسەي تسوي قىتايدىڭ قازاقستانداعى ەلشىسى چجان سياوعا قوڭىراۋ شالدى. ەلشىلىك باستاپقى مالىمدەمەسىنە وزگەرىس ەنگىزىپ، «بەلگىسىز» ءسوزىن الىپ تاستادى.

رەسمي اقپاراتقا سايكەس، قازاقستاندا بارلىعى 56 455 ادامنان كوروناۆيرۋس ينفەكتسياسى انىقتالعان. ونىڭ 32 500-ءى جازىلىپ شىققان، 313-ءى قايتىس بولعان.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 1158
ادەبيەت

«سولاي ەمەس پە؟»

عابباس قابىشۇلى 1062
قوعام

دوس كوپ پە، دۇشپان كوپ پە؟

ءابدىراشيت باكىرۇلى 794
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 918