"ۋكراينا اۋە جولدارى" كومپانياسىنىڭ ءنومىرى 752 رەيسىندە 176 ادام بولعان. ءبارى قازا تاپتى.
يران تەرگەۋشىلەرى اپاتتىڭ سەبەبى راديولوكاتسيالىق ستانتسيانىڭ (رلس) وپەراتورلارعا قاتە سيگنال بەرۋىنەن بولدى دەپ ەسەپتەيدى.
بريتانيانىڭ "گارديان" گازەتى تەگەران ۇشاق اپاتقا ۇشىراعان كەزدە، تەحنيكالىق اقاۋ بولدى دەپ مالىمدەگەنىن، بىرنەشە كۇن وتكەننەن كەيىن قاتەلەسىپ اتىپ تۇسىرگەنىن مويىندادى دەپ جازعان.
يراننىڭ ازاماتتىق اۆياتسيا باسقارماسى جاريالاعان باياندامادا، تەگەران شەتىندەگى اۋە شابۋىلىنا قارسى قورعانىس جۇيەسىنىڭ وپەاراتورلارى زىمىراندى دەر كەزىندە كۇيگە كەلتىرە الماعانى اتاپ كورسەتىلگەن. سول كۇنى تاڭەرتەڭ اقش-تىڭ اۋە كۇشتەرىنە قارسى دابىل بەلگىسى جاريالانعان دەلىنگەن.
20 شىلدەدە اپات بولعان جەردە تابىلعان "قارا جاشىك" شيفرىن وقۋ ءۇشىن فرانتسياعا بەرىلۋى ءتيىس دەپ حابارلايدى IRNA اگەنتتىگى.
بيىل 8 قاڭتاردا بولعان ۇشاق اپاتىنان يران، كانادا، ۋكراينا، ۇلىبريتانيا، اۋعانستان جانە گەرمانيا ازاماتتارى قايتىس بولدى.
Abai.kz
