ۇي̆عىرلاردى اۋدانمەن، دۇنگەندەردى اۋىلمەن، قالا بەردى كوشە، جەر اتاۋىن بەرىپ جارىلقاعان ءبىز نەتكەن "كەڭپەي̆ىل" قازاق ەدىك؟ بۇعان دا قاناعاتى جوق ۇي̆عىرلار اۋىلداعى سۋ قۇبىرىن دا ۇلتقا مەنشىكتەپ الىپتى. وزىنەن بۇرىن وزگەنى توبەسىنە كوتەرگەن جەر بەتىندە ءدال ءبىز سياقتى ۇلت، ءاي̆، جوق-اۋ. كەڭپەي̆ىلدىگىمىز سونداي̆ ولاردان ءتىپتى ءتىلدى دە تالاپ ەتپەي̆مىز عوي̆، شىركىن. قازاقشا سوي̆لەسەم قىسىلىپ قالا ما دەپ جاسقانشاقتاپ تۇراتىن دا ءوزىمىز. كەرىسىنشە، ولار، ءبىزدىڭ ءتىلدى ءبىل دەپ اشىقتان-اشىق اكىرەڭدەي̆دى. باتىل. ۇستازدارىنىڭ ۇستانىمى بۇل. وعان دا قىڭق دەمەدىك.
.
الدىڭعى اپتادا ۇي̆عىر اۋدانىندا اتالعان ۇلتتىڭ التى ازاماتىنىڭ ءۇش بىردەي̆ قازاق جىگىتىن پىشاقتاپ كەتكەنى تەلەارنادان حابارلاندى. سونداعىسى، ەكى جاق جولعا تالاسىپ قالعان. جول بەرمەدىڭ دەپ پىشاقتاپ جاتسا، باسىمىزعا باسقاداي̆ ءبىر كۇن تۋسا بۇلار بىزگە قاي̆تپەك سوندا؟ مۇنداي̆ ۇلتتان نە وپا، نە قاي̆ىر كۇتۋگە بولادى؟ ولار نەگە جاۋاپقا تارتىلماي̆دى دەپ ۇلارداي̆ شۋلاپ ادىلدىك ىزدەپ جۇرگەن تاعى دا ءوز ۇلدارىمىز. تۇي̆مەدەي̆دى تۇي̆ەدەي̆ قىلماڭدار دەپ باسۋ اي̆تىپتى قالام ۇستاعان ءبىر قالاۋلىسى. تۇي̆ەدەن دە ۇلكەن ماسەلەنى تۇي̆مەدەن ۇساق كورىپ تۇر. تاپتاساڭ كىرلەمەي̆تىن نەتكەن نامىس بىزدىكى؟
.
قىتاي̆لار دۇنگەن اتىنداعى ماسانچي ەلدى-مەكەنىن تەلەارناسى ارقىلى ءشانسي اۋىلى دەپ تانىستىردى. ءشانسي - قىتاي̆دان جەر اۋدارىپ كەلگەن دۇنگەندەردىڭ مەكەنى. ياعني، ولاردىڭ تۇسىنىگىندە، قازاقستاندا قىتاي̆دىڭ ءبىر اۋىلى بار. كەزىندە جۇدەپ-جاداپ، ءمۇساپىر كۇي̆دە كەلگەن دۇنگەندەرگە اياۋشىلىق ءبىلدىرىپ، ادامگەرشىلىك كورسەتكەن قازاقتىڭ كەڭپەي̆ىلدىگىن ەسكە الىپ جاتقان كىم بار؟ قاي̆ دۇنگەننەن العىس ەستىدىك؟! اقپانداعى دۇنگەندەردىڭ دۇربەلەڭىن دە جىلى جاۋىپ قوي̆دىق. كىنالىلەردى جازالاعانىن اي̆تاتىن شىعار جوعارىداعىلار. بۇل مۇنىمەن بىتە قوياتىن قاتارداعى قىلمىس ەمەس. ۇلتقا تونگەن قاتەر! دۇنگەندەرگە قاتىستى قوردالانعان ماسەلەلەر قانداي̆ شەشىم تاپتى؟ بۇل تۋرالى جاق اشقان كىم بار؟ ونداي̆لاردى جازالاعانمەن ۇلتتىڭ جاراسى جازىلماي̆دى.
.
ۆ.پۋتين ول، "كەڭەس وداعىنىڭ قۇرامىندا بولعان ەلدەر ورىس حالقىنان سىي̆ الدى" دەپ زىلدەي̆ ءسوز اي̆تتى. ورىنبور ولكەسى قازاق جەرىنىڭ قۇرامداس ءبىر بولىگى. التاي̆ ءبىزدىڭ جەر دەپ مالىمدەمە جاساۋ ءبىزدىڭ قولدان كەلە مە؟ قازاقتىڭ نامىسى تاپتالعان جاعداي̆دا ەسەپ جوق. بۇلار تەك سوڭعى بەس اي̆دا ەستىگەن ءسوزىمىز، جەگەن تاياعىمىز. از با؟

ەرتاي ءنۇسىپجانوۆتىڭ الەۋمەتتىك جەلىدەگى جازباسى

Abai.kz