2020 جىلدىڭ 29 ماۋسىمىندا نۇر-سۇلتان قالاسىندا قازاقستان
رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى
ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق
ورتالىعىنىڭ ۇيىمداستىرۋىمەن «تەرمينولوگيالىق سوزدىكتەر: ساراپتاۋ
جانە ساپاسىن ارتتىرۋ ماسەلەسى» اتتى ادىستەمەلىك ونلاين سەمينار وتەدى.

سالالىق تەرمينولوگيانى دامىتۋدا ەسكەرىلەتىن قازىرگى قازاق تەرمينولوگياسىنىڭ وزەكتى ماسەلەلەرىنىڭ ءبىرى - تەرمينولوگيالىق سوزدىكتەر. عىلىمي قاۋىم ءۇشىن قازىرگى شىعىپ جاتقان جانە وسى ۋاقىتقا دەيىن شىعارىلعان تەرمينولوگيالىق سوزدىكتەردىڭ توڭىرەگىندە وزەكتى ماسەلەلەردىڭ
بارى ايقىن. اتاپ ايتقاندا، سوزدىكتەردەگى تەرميندەردىڭ كوبىسىنىڭ شەتتىلدىك
تەرمين قالپىندا بەرىلۋى، قازاق ءتىلىنىڭ زاڭدىلىعىنا سايكەس يگەرىلمەۋى جانە
ت.ب.سوندىقتان دا شىعارىلىپ جاتقان تەرمينولوگيالىق سوزدىكتەردىڭ ساپاسىن
ارتتىرۋ وزەكتى ماسەلە بولىپ تابىلادى.

ونلاين-سەميناردىڭ ماقساتى – تەرمينولوگيالىق سوزدىكتەردىڭ قولدانىس
اياسىن كەڭەيتۋ جولدارى، تەرمينولوگيالىق سوزدىك قۇرىلىمىنداعى جۇيەلىلىك،
تەرميندەردىڭ سوزدىك قۇرىلىمىندا دۇرىس بەرىلۋى، كىرمە تەرميندەردىڭ
سوزدىكتەردە بەرىلۋىندەگى قيىندىقتار ت.ب. وزەكتى ماسەلەلەردى تالقىلاپ، شەشۋ
جولدارىن ۇسىنۋ.

ونلاين-سەمينارعا فيلولوگيا عىلىمدارىنىڭ كانديداتى، دوتسەنت
سارسەنباي قۇلمانوۆ، فيلولوگيا عىلىمدارىنىڭ كانديداتى، دوتسەنت اقبوتا
قوڭىروۆا، پەداگوگيكا عىلىمدارىنىڭ ماگيسترى، تەرمينشى سەرىك ەرعالي
قاتىسادى.

ءىس-شارانى سالا ماماندارى، فيلولوگتار مەن جوعارى وقۋ ورنىنىڭ
ستۋدەنتتەرى، جالپى جۇرتشىلىق termincom.kz سايتىنىڭ يۋتۋبتاعى كانالىنان
جانە zoom باعدارلاماسى ارقىلى كورە الادى. قاتىسۋشىلار ونلاين رەجىمدە بايانداماشىلارعا سۇراقتارىن قويىپ، تاقىرىپ بويىنشا ءوز ويلارىن ورتاعا سالىپ تالقىلاي الادى.

Abai.kz