قازاقستاننىڭ ۆيتسە-پرەمەر-ءمينيسترى ەرالى توعجانوۆ تا ۆيرۋس جۇقتىردى. بۇل تۋرالى ەرالى لۇقپانۇلى بۇگىن ءوزىنىڭ فەيسبۋكتەگى پاراقشاسىندا جازدى.

«قۇرمەتتى قازاقستاندىقتار! مەنىڭ دە وقشاۋلانۋىما تۋرا كەلدى. ينفەكتسيادان قانشا ساقتانسام دا، بولمادى. كوروناۆيرۋس ينفەكتسياسىنىڭ سيمپتومسىز ءتۇرى انىقتالدى.

تەزىرەك ايىعۋ ءۇشىن دارىگەرلەردىڭ ايتقانىن ىستەپ، جۇمىسقا ورالامىن. ازاماتتاردان ساقتىق شاراسىن - ماسكا تاعىپ، انتيسەپتيك قولدانىپ، قولدى ءجيى جۋىپ، گيگيەنانى ساقتاۋدى ءوتىنىپ سۇرايمىن. امان-ساۋ بولىڭىزدار!»، - دەپ جازدى ول.

ايتا كەتەيىك، بۇگىن ەكس-پرەزيدەنت نۇرسۇلتان نازارباەۆتىڭ ۆيرۋس جۇقتىرعانى تۋرالى رەسمي اقپارات تاراعان بولاتىن. ال ونىڭ الدىندا پرەمەر-مينيستر اسقار مامين باستاعان ءبىر توپ مينيستر وقشاۋلانىپ كەتكەن.

Abai.kz