21 ماۋسىم – مەديتسينا قىزمەتكەرلەرى كۇنىنە وراي «قازاقستان» تەلەراديوكورپوراتسياسى تاڭعى 09:00-دەن باستاپ تىكەلەي ەفيردە «ابزال جاندار» تەلەمارافونىن وتكىزەدى.

تەلەمارافوننىڭ ماقساتى – ۇلت ساۋلىعى مەن ءار ادامنىڭ ءومىرى ءۇشىن كۇرەسىپ جۇرگەن مەديتسينا قىزمەتكەرلەرىنىڭ ەرەن ەڭبەگى مەن ەرلىگىن دارىپتەۋ.

قوسىلىمداردا مەديتسينا سالاسىنىڭ ارداگەرلەرى مەن ءدال قازىر دەمالىسسىز، ءۇي بەتىن كورمەي قىزمەت ەتىپ جۇرگەن دارىگەرلەرمەن سۇحبات جۇرگىزىلىپ، ەل مەديتسيناسىنىڭ ديناميكالىق دامۋ جولى تالقىلانادى. «Qazaqstan» ۇلتتىق ارناسىنىڭ تىلشىلەرى ەلىمىزدىڭ بارلىق وڭىرىنەن تىكەلەي بايلانىسقا شىعىپ، ايماقتارداعى مەديتسينالىق نىسانداردىڭ تىنىس-تىرشىلىگىن كورسەتەدى.

مەديتسينا سالاسىنىڭ مەترلەرى ستۋديادا جانە Skype-بايلانىس ارقىلى كارديوحيرۋرگيا، نەيروحيرۋرگيا، ترانسپلانتاتسيا باعىتتارىنداعى سوڭعى جاڭالىقتاردى باياندايدى. كورەرمەن توتەنشە جاعداي كەزەڭىندە سالىنعان اۋرۋحانالار مەن ونداعى ناۋقاستاردىڭ حال-احۋالىن بىلە الادى.

كوپشىلىكتىڭ الەۋمەتتىك جەلىلەر مەن ەلەكتروندى پوشتا، Whatsapp ارقىلى جولداعان ەرەكشە وقيعالارى تىكەلەي ەفيردە باياندالىپ، حات يەلەرى اتاپ كورسەتكەن دارىگەرلەگە قۇرمەت كورسەتىلەدى. ەفير بارىسىندا 8 (7172) 75 71 71 نومىرىنە حابارلاسىپ، ابزال جاندارعا العىس ءبىلدىرىپ، ءتول مەرەكەسىمەن قۇتتىقتاۋعا ءاربىر ادامنىڭ مۇمكىندىگى بار.

تەلەمارافون 21 ماۋسىم تاڭعى ساعات 09:00-دەن باستاپ «Qazaqstan» ارناسىنىڭ You Tube جانە Facebook  جەلىسىندەگى ارناسىنان تىكەلەي ترانسلياتسيالانادى. ۇلتتىق ارنا ازىرلەگەن «ابزال جاندار» مەرەكەلىك جوباسى دا ەفيردەن وسى كۇنى كورسەتىلەدى.

Abai.kz