الماتى قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ قالاداعى كوروناۆيرۋسقا قاتىستى جاعداي تۋرالى ايتتى. 

"قالاداعى جاعداي شىنىمەن دە قيىن. دەنساۋلىق ساقتاۋ جۇيەسىنىڭ رەسۋرستارى شەكسىز دەگەن كىم؟ بۇل رەسۋرستار ەڭ دامىعان ەلدەردىڭ وزىندە دە تاپشى، وندا قارجىلاندىرۋ دەڭگەيى ءبىزدىڭ ەلىمىزگە قاراعاندا 10 ەسە جوعارى. اۋرۋدىڭ كۇرت ءوسىمى بايقالادى. سوڭعى كۇندەرى قالالىق ەمحانالارعا كۇن سايىن 100-دەن استام ناۋقاس كەلىپ تۇسۋدە. تۇسىنىكتى بولۋ ءۇشىن ايتا كەتەيىن، بىزدەگى ءار اۋرۋحانانىڭ ناۋقاستاردى قابىلداۋداعى ورتاشا كولەم - 200-300 كەرەۋەت، دەمەك، قازىرگى سۇرانىسپەن ەسەپتەسەك، ءار ءۇش كۇن سايىن ينفەكتسيالىق اۋرۋحانا اشۋ كەرەك بولادى، ارينە بۇل مۇمكىن ەمەس. بۇگىنگى تاڭدا قالادا كۆي جۇقتىرعان ناۋقاستاردى ەمدەۋ ءۇشىن 10 (!) كلينيكالىق اۋرۋحانا بار. وندا 1 300-دەن استام ناۋقاس ەمدەلۋدە", - دەپ جازدى نادىروۆ.

ول قازىرگى قولدانىستاعى اۋرۋحانالاردىڭ بارلىعىندا بىردەي ناۋقاستاردى كوروناۆيرۋس ينفەكتسياسىنان ەمدەۋ مۇمكىن ەمەس ەكەنىن ايتادى، ويتكەنى وندا دارىگەرلەر باسقا پاتولوگيالاردان (ينفاركت، ينسۋلت، اپپەنديتسيت جانە ت.ب.) ەم-دوم جۇرگىزەدى.

"كۇن سايىن قالادا 2 500-دەن استام شۇعىل جاعدايلار ورىن الادى. ماسەلە تەك توسەكتىڭ بوس ەمەستىگىندە دە ەمەس، سونىمەن بىرگە كوروناۆيرۋس جۇقتىرعان ناۋقاستاردى ەمدەۋگە دايىن مەديتسينالىق توپتاردىڭ بولماۋى دا قيىندىق تۋعىزۋدا. تيىسىنشە، وكىنىشكە وراي، ءبىز ناۋقاستاردى تەك ورتاشا جانە اۋىر دارەجەلى ناۋقاستارعا ىرىكتەپ، ەمدەۋگە جاتقىزۋعا ءماجبۇرمىز. دارىگەرلەردىڭ جۇكتەمەسى دە ايتارلىقتاي ءوستى! مۇنىڭ ءبارى وسى ۆيرۋستىڭ ناقتى ەمى جوقتىعىمەن بايلانىستى. سوندىقتان ءبىز تۇرعىنداردى مامانداردىڭ ۇسىنىستارىن ەسكەرىپ، ساقتىققا شاقىرامىز. كوپتەگەن ادامدار ءبىزدىڭ ۇسىنىستارىمىزدى ەلەمەيتىنىن كورىپ وتىرمىز. كوبىسى ءالى كۇنگە دەيىن اۋىرىپ قالۋ قاۋپى بار ەكەنىنە سەنبەيدى. مۇنىڭ ءبارى اۋرۋدىڭ كۇرت وسۋىنە اكەلەدى. سونىمەن، مەملەكەت جاعدايدى ۇعىنىپ وتىر، بىراق ماسەلە باسقادا، مەملەكەتتىڭ حالقى مەن ساراپشى ورتاسى نە ويلايدى؟ مەن بۇل رەتتە اقىل جەڭەدى دەپ ۇمىتتەنەمىن ... بارلىقتارىڭىزعا اماندىق تىلەيمىن!" - دەپ جازدى الماتى قالاسى قوعامدىق دەنساۋلىق باسقارماسىنىڭ باستىعى.

Abai.kz