ەلورداداعى ەپيدەميولوگيالىق احۋال ناشارلاپ كەتكەن. بۇل تۋرالى قوعامدىق دەنساۋلىق باسقارماسىنىڭ باسشىسى ساۋلە قيسىقوۆا مالىمدەدى.

ونىڭ ايتۋىنشا، 2020 جىلدىڭ 17 ماۋسىمىندا نۇر-سۇلتان قالاسىندا 2 951 كوروناۆيرۋس ينفەكتسياسىن جۇقتىرۋ دەرەگى تىركەلدى. ۆيرۋستى جۇقتىرعاندار سانى وسكەن. جانە، دارىگەرلەرگە، مەدبيكەلەرگە جانە كوروناۆيرۋس ينفەكتسياسىمەن جۇمىس ىستەيتىن باسقا دا قىزمەتكەرلەرگە ۇلكەن جۇكتەمە ءتۇسىپ جاتىر.

سونىمەن قاتار ول جەدەل مەديتسينالىق جاردەم قىزمەتىنە تۇسەتىن قوڭىراۋلار سانى 3,5 ەسەگە ارتىپ، 3 700-گە جەتكەنىن، ونىڭ 2 مىڭنان استامىنا قاتىستى شارا قابىلدانىپ، جۇمىس كولەمى 2 ەسەگە ارتقانىن ايتتى.

"اۋرۋحاناعا تەك كۆي بويىنشا كەلىپ تۇسكەن قوڭىراۋلار سانى سوڭعى تاۋلىك ىشىندە 427-گە دەيىن، ياعني 8 ەسە ءوستى. وتكەن تاۋلىكتە جەدەل جاردەم توبى قىزمەتىنە 110-نان استام ناۋقاس جۇگىنگەن. باقىتىمىزعا وراي، جىلدىڭ باسىندا ءبىز ەلۋدەن استام اۆتوكولىك ساتىپ الدىق، بۇل قانداي دا ءبىر جولمەن جۇكتەمەنى جەڭىلدەتۋگە كومەكتەسۋدە. سونىمەن قاتار، ەمحانالار دەڭگەيىندە كولىكتەر قوسىمشا تارتىلدى.كوروناۆيرۋس ماسەلەسى بويىنشا تۇرعىندارمەن بايلانىستى كۇشەيتۋ ءۇشىن جەدەل جاردەم ستانتسياسىنىڭ بازاسىندا قوسىمشا بايلانىس ورتالىعى قۇرىلدى", - دەدى باس سانيتارلىق دارىگەر.

Abai.kz