ادامدار اۋرۋدىڭ العاشقى بەلگىلەرىن ەلەمەي ءجۇرىپ الادى، ۋاقىت وزدىرىپ اۋرۋ ابدەن دەندەگەن كەزدە ءبىر-اق كەلەدى. بۇل تۋرالى قاراساي اۋداندىق اۋرۋحاناسىنىڭ جۇقپالى اۋرۋلار ءبولىمىنىڭ مەڭگەرۋشىسى ساۋلە باراقباەۆا تىلدەسۋ كەزىندە ايتتى.

دارىگەر اۋرۋ بەلگىسىمەن كەلگەن ناۋقاستاردى ەمدەپ جاتقاندارىن ايتادى. سيمپتومسىز تىركەلگەندەردى پوليكلينيكا پمتس ەمدەپ جاتىر ەكەن. سونىمەن قاتار ول، كارانتين شارالارى جەڭىلدەتىلگەن سوڭ اۋىرعاندار سانى كۇرت ارتقانىن جەتكىزدى.

قازىر بىزدە 62 ادام ەم قابىلداپ جاتىر. الماتى وبلىسىنداعى نارىنقول، كەگەن، قاراساي، قاپشاعاي، جامىبل، ىلە جانە تالعار اۋداندارىندا تىركەلگەن ناۋقاستاردىڭ ءبارى بىزگە جىبەرىلەدى.  ناۋقاستاردىڭ اراسىندا ءحالى اۋىر، ورتاشا جانە جەڭىل ءتۇرى دە بار. ەمدى بەكىتىلگەن قاۋلى بويىنشا جۇرگىزىپ جاتىرمىز،-دەيدى ول.

ءبىز حابارلاسقان كەزدە ساۋلە باراقباەۆا ساناۆياتسيامەن قاپشاعاي قالاسىنا كەتىپ بارا جاتقانىن ايتتى. ول جاقتا ناۋقاستاردان كوروناۆيرۋس بەلگىسى انىقتالعان كورىنەدى. سوز اراسىندا ول كارانتين شارالارىن كۇشەيتۋ قاجەتتىگىن ايتتى.

اۋرۋحاناعا وتباسى مۇشەلەرىمەن ءتۇسىپ جاتقاندار بار. اتا-اناسى بالاسىمەن ەم قابىلداۋدا. كوپشىلىك ۇيىندە وتىرماي، ارى-بەرى ءجۇرىپ كەتتى. ودان كەيىن اۋرۋدىڭ العاشقى بەلگىلەرى بىلىنىسىمەن مەديتسينا قىزمەتكەرلەرىنە جۇگىنگەن ءجون. ادامدار اۋرۋدىڭ العاشقى بەلگىلەرىن ەلەمەي ءجۇرىپ الادى، ياعني ۋاقىت وزدىرىپ اۋرۋ ابدەن دەندەگەن كەزدە ءبىر-اق كەلەدى، - دەيدى دارىگەر.

قاراساي اۋداندىق اۋرۋحاناسىنىڭ جۇقپالى اۋرۋلار بولىمىنە تۇسكەن ءبىر ادام قايتىس بولىپتى. دارىگەردىڭ ايتۋىنشا، ناۋقاس وتە اۋىر حالدە جەتكىزىلگەن جانە ءبىر كۇن بولماي اۋرۋدان كوز جۇمىپتى.

سيمپومسىز جۇرگەن ادامداردى تەك تالداما جاساۋ ارقىلى عانا انىقتاي الامىز. جالپى بۇل جەردە ادامنىڭ يممۋنيتەتىنە بايلانىستى. بىرەۋ ۆيرۋس جۇقتىرعان سوڭ 14 كۇننەن كەيىن اۋرۋى مۇمكىن. كەيبىرىندە جۇقتىرعان كۇننىڭ ەرتەڭىندە دەنساۋلىعى سىر بەرەدى. دەگەنمەن ناۋقاستاردىڭ 80-85 پايىزىندا ارۋرۋ جەڭىل ءوتىپ جاتىر، - دەيدى باراقباەۆا.

دەرەككوز: baq.kz

Abai.kz