ماۋسىم ايىنىڭ سوڭىندا قازاقستان جانە تۇركيا اراسىنداعى حالىقارالىق رەيس قايتا قالپىنا كەلەدى. بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مالىمدەدى. 

«وسى جىلدىڭ 1 مامىرىنان باستاپ نۇر-سۇلتان جانە الماتى قالالارىنان ەلىمىزدىڭ 20 قالاسىنا ىشكى اۋە رەيستەرى كەزەڭ-كەزەڭىمەن جانداندى. قازىرگى تاڭدا 44 ىشكى باعىت بويىنشا اپتاسىنا 349 رەيس ورىندالۋدا. 188 مىڭ اۋە بيلەتى ساتىلدى. سونىمەن قاتار، حالىقارالىق رەيستەردى كەزەڭ-كەزەڭىمەن جانداندىرۋ جوسپارلانىپ وتىر. وسى ماۋسىم ايىنىڭ سوڭىندا قازاقستان جانە تۇركيا اراسىندا حالىقارالىق رەيستى قايتا اشۋ كوزدەلگەن», - دەدى مينيستر ۇكىمەت وتىرىسىندا.

سونىمەن قاتار ەپيدەميالوگيالىق جاعداي ءارى قاراي جاقسارىپ جاتسا، باسقا ەلدەرگە اۋە قاتىناسىن اشۋ جوسپارلانىپ وتىر.

Abai.kz