نۇرلان دۋلاتبەكوۆ: «الاشقا قىزمەت ەتۋ – بارشامىزدىڭ مىندەتىمىز»
پورتالىمىزدا ماسكەۋدەگى دون قابىرستانىنداعى باۋىرلاستار زيراتىندا جەرلەنگەن ءاليحان بوكەيحان مەن نىعمەت نۇرماقۇلىنىڭ باسىنا ەسكەرتكىش تاقتا ورناتىلعانى تۋراسىندا جازىپ ەدىك.
ول ەسكەرتكىش تاقتانى قاراعاندىداعى «بولاشاق» ۋنيۆەرسيتەتىنىڭ رەكتورى نۇرلان دۋلاتبەكوۆ ءوزى باس بولىپ قويعان ەكەن.
نۇرلان مىرزانىڭ ازاماتتىق ىسىنە العىس ايتىپ، از-كەم اڭگىمە-دۇكەن قۇردىق. سول قىسقا سۇحباتتى نازارلارىڭىزعا ۇسىنىپ وتىرمىز.
«اباي-اقپارات»
- نۇرەكە، ەسكەرتكىش تاقتا قويۋ تۋرالى ويعا نە تۇرتكى بولدى، اڭگىمەنى وسىدان باستاڭشى.
- ساياسي-قۋعىن سۇرگىنگە ۇشىراعان ادامداردىڭ تاريحىن كوپتەن زەرتتەپ ءجۇرمىز. سول ىزدەنىس جولىندا ماسكەۋ، پەتەربور جانە باسقادا شەتەلدەردەگى مۇراعاتتاردا بولدىق. ءسويتىپ، جۇرگەندە رەسەيدەگى ساياسي قۋعىن-سۇرگىندەردىڭ تاريحىن زەرتتەۋمەن اينالىساتىن «مەموريال» ۇيىمىمەن جۇمىس ىستەي باستادىق. سول ارقىلى ءاليحان بوكەيحان مەن نىعمەت نۇرماقۇلىنىڭ دون قابىرستانىندا جاتقانىن بىلدىك. اتالعان ۇيىم شىعارعان كىتاپتا دا الەكەڭ مەن نىعمەت تۋرالى بەرىلگەن ەكەن. باۋىرلاستار زيراتىنداعى ءاليحان مەن نىعمەت جاتقان جەردىڭ اۋماعى - 2,5 كۆ. مەتر جەر عانا. سول جەردە الاش زيالىلارىنان باسقا ميروزيان جانە تاعى باسقا كوپتەگەن ادامداردىڭ سۇيەگى جاتىر.
سودان بەرى جۇرت ىزدەپ بارعاندا ءبىر بەلگى بولىپ تۇرسىنشى دەپ ەسكەرتكىش تاقتا قويۋدى ويلاپ جۇرگەنبىز. مىنە، 28 قازان كۇنى ءساتى ءتۇسىپ، ەسكەرتكىش تاقتانى قوس بابامىزدىڭ باسىنا ورناتىپ قايتتىق.
پورتالىمىزدا ماسكەۋدەگى دون قابىرستانىنداعى باۋىرلاستار زيراتىندا جەرلەنگەن ءاليحان بوكەيحان مەن نىعمەت نۇرماقۇلىنىڭ باسىنا ەسكەرتكىش تاقتا ورناتىلعانى تۋراسىندا جازىپ ەدىك.
ول ەسكەرتكىش تاقتانى قاراعاندىداعى «بولاشاق» ۋنيۆەرسيتەتىنىڭ رەكتورى نۇرلان دۋلاتبەكوۆ ءوزى باس بولىپ قويعان ەكەن.
نۇرلان مىرزانىڭ ازاماتتىق ىسىنە العىس ايتىپ، از-كەم اڭگىمە-دۇكەن قۇردىق. سول قىسقا سۇحباتتى نازارلارىڭىزعا ۇسىنىپ وتىرمىز.
«اباي-اقپارات»
- نۇرەكە، ەسكەرتكىش تاقتا قويۋ تۋرالى ويعا نە تۇرتكى بولدى، اڭگىمەنى وسىدان باستاڭشى.
- ساياسي-قۋعىن سۇرگىنگە ۇشىراعان ادامداردىڭ تاريحىن كوپتەن زەرتتەپ ءجۇرمىز. سول ىزدەنىس جولىندا ماسكەۋ، پەتەربور جانە باسقادا شەتەلدەردەگى مۇراعاتتاردا بولدىق. ءسويتىپ، جۇرگەندە رەسەيدەگى ساياسي قۋعىن-سۇرگىندەردىڭ تاريحىن زەرتتەۋمەن اينالىساتىن «مەموريال» ۇيىمىمەن جۇمىس ىستەي باستادىق. سول ارقىلى ءاليحان بوكەيحان مەن نىعمەت نۇرماقۇلىنىڭ دون قابىرستانىندا جاتقانىن بىلدىك. اتالعان ۇيىم شىعارعان كىتاپتا دا الەكەڭ مەن نىعمەت تۋرالى بەرىلگەن ەكەن. باۋىرلاستار زيراتىنداعى ءاليحان مەن نىعمەت جاتقان جەردىڭ اۋماعى - 2,5 كۆ. مەتر جەر عانا. سول جەردە الاش زيالىلارىنان باسقا ميروزيان جانە تاعى باسقا كوپتەگەن ادامداردىڭ سۇيەگى جاتىر.
سودان بەرى جۇرت ىزدەپ بارعاندا ءبىر بەلگى بولىپ تۇرسىنشى دەپ ەسكەرتكىش تاقتا قويۋدى ويلاپ جۇرگەنبىز. مىنە، 28 قازان كۇنى ءساتى ءتۇسىپ، ەسكەرتكىش تاقتانى قوس بابامىزدىڭ باسىنا ورناتىپ قايتتىق.
- ءسوز اراسىندا الاش تاريحىن زەرتتەپ ءجۇرمىز دەدىڭىز. سونىڭ ىندەتىپ ايتىپ بەرىڭىزشى؟
- ۋنيۆەرسيتەتتىڭ جانىنا ەكى بىردەي زەرتتەۋ ينستيتۋتى قۇرىلعان. سونىڭ ءبىرىنىڭ باعىتى - گۋمانتارلىق سالا. نەگىزىنەن ەنتسيكلوپەديالار شىعارىپ جاتىرمىز. بۇعان دەيىن ساكەن سەيفۋللين جانە قاز داۋىستى قازىبەك ەنتسيكلوپەدياسى جارىق كوردى. قازىرگى كەزدە جۇمىسشى توبى بۇحار جىراۋ ەنتسيكلوپەدياسىن دايىنداۋ ۇستىندە.
جانە ءبىر لابوراتوريامىز ساياسي قۋعىن-سۇرگىندەردىڭ، كارلاگ-تىڭ سوندا بولعان تۇتقىنداردىڭ، شىعارماشىلىق ادامداردىڭ بەينەسى، جاريالانباعان مەمۋارلاردى زەرتتەپ جاتىر.
الاش، الاشوردا، الاش كوسەمدەرى ارينە، ءوز باعاسىن الىپ جاتىر. الاش تاريحىنا بايلانىستى قانشاما ەڭبەكتەر جارىق كورىپ جاتىر. الاشتى ءالى دە بولسا تەرەڭدەتىپ زەرتتەۋ بولاشاقتىڭ ەنشىسىندە.
ءاليحان بوكەيحان - الاشتىڭ كوسەمى عوي. ءاليحان - مۇحيت سياقتى. ول كىسى ءالى دە زەرتتەلەدى دەپ ويلايمىن. ءاربىر وڭىردە الاش تاريحىن زەرتتەۋ، الاشتىڭ يدەياسىن ناسيحاتتاۋ - بارلىعىمىزدىڭ مىندەتىمىز دەپ ەسەپتەيمىن.
- اڭگىمەڭىزگە راحمەت!
«اباي-اقپارات»
