م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە «رۋحاني جاڭعىرۋ» باعدارلاماسىن جۇزەگە اسىرۋ اياسىندا ۇلى ابايدىڭ 175 جىلدىعىنا وراي جالپى ءبىلىم بەرەتىن مەكتەپ وقۋشىلارى اراسىندا «عىلىم تاپپاي ماقتانبا...» تاقىرىبىندا «ۇزدىك عىلىمي جوبا-2020» ءVى رەسپۋبليكالىق بايقاۋى ونلاين تۇردە ءوتتى. 

ۋنيۆەرسيتەت ءباسپاسوز قىزمەتىنىڭ حابارلاۋىنشا، ءبىلىم دوداسىنىڭ ۇزدىكتەرى رەكتور گرانتىن يەلەنۋ جانە وقۋ اقىسىنا 100, 75, 50, 25 پايىز جەڭىلدىگىن جەڭىپ الۋ مۇمكىندىگىنە يە بولادى.

بايقاۋعا نۇر-سۇلتان، الماتى، اقتوبە، قىزىلوردا، شىمكەنت، تۇركىستان، تاراز قالالارىنىڭ وقۋشىلارى قاتىستى. اتالمىش ءبىلىم دوداسىن ۋنيۆەرسيتەتتىڭ جاس عالىمدار كەڭەسى مەن «ۋنيۆەرسيتەتتىك تەحنولوگيالىق بيزنەس-ينكۋباتور» كورپوراتيۆتىك قورى، «مۇناي، گاز جانە مەحانيكا» فاكۋلتەتى ۇيىمداستىردى.

بايقاۋدى ۋنيۆەرسيتەت رەكتورى، پ.ع.د.، پروفەسسور ماحمەتعالي سارىبەكوۆ اشىپ،  بايقاۋدىڭ ماقساتى مەن ماڭىزدىلىعىنا توقتالىپ ءوتتى. جىل سايىن ۇيىمداستىرىلاتىن بايقاۋدىڭ نەگىزگى ماقساتى: وقۋشىلاردىڭ عىلىمي-زەرتتەۋ جانە وقۋ-تانىمدىق جۇمىستارىن ىنتالاندىرۋ، وي ەڭبەگىنىڭ بەدەلىن ارتتىرۋ، ەڭ تالانتتى جانە دارىندى جاس زەرتتەۋشىلەردى ىرىكتەۋ، ولارعا قولداۋ كورسەتۋ، سونىمەن قاتار وقۋشىلاردىڭ ينتەللەكتۋالدىق جانە شىعارماشىلىق الەۋەتىن كوتەرۋ. بيىل ەلدە ورناعان توتەنشە جاعدايعا بايلانىستى ءبىلىم سايىسىنىڭ فورماتى جىلداعىدان وزگەشە بولدى. دەگەنمەن، باقتارىن سىناپ، جەڭىمپاز اتانۋعا كوپ جاس نيەتتى ەكەنىن كورسەتىپ، اسا بەلسەندى بولدى.

العاشقى بايقاۋ 7-11 سىنىپ وقۋشىلارى ءۇشىن 2015 جىلى وتكىزىلگەن. 2016 جىلدان باستاپ 11-سىنىپ وقۋشىلارى ءۇشىن رەكتور گرانتى مەن 100, 75, 50 ، 25 پايىزدىق جەڭىلدىكتەر تاعايىندالدى. بيىلعى جىلى وسى جەڭىلدىكتەردى العان وقۋشىلار ۋنيۆەرسيتەت قابىرعاسىن ءتامامداپ وتىر.

ۇيىمداستىرۋ كوميتەتى ۇستازداردان كەلىپ تۇسكەن وتىنىشتەردى ەسكەرە وتىرىپ بايقاۋعا 1-6 سىنىپتاردىڭ دا وقۋشىلارىن قاتىستىردى. بۇل مەكتەپ وقۋشىلارىنىڭ عىلىمعا دەگەن قۇلشىنىسىن، ۇستازداردىڭ تىنىمسىز ەڭبەگىن بايقاتتى.

بيىل 11-سىنىپ وقۋشىلارى اراسىندا جەڭىمپازدارعا ەكى باعىت بويىنشا، ياعني گۋمانيتارلىق جانە  جاراتىلىستانۋ-تەحنيكالىق باعىتتار بويىنشا ۋنيۆەرسيتەتىمىزدە وقۋ ءۇشىن وقۋ اقىسىنا 100, 75, 50, 25 پايىزدىق جەڭىلدىكتەر تاعايىندالدى.

جالپى 45 جوبا ىرىكتەۋ كەزەڭىنە قاتىستىرىلدى. جاس عالىمدار «ەكونوميكا جانە قۇقىقتانۋ»، «تاريح جانە گەوگرافيا»، «فيلولوگيا»، «ماتەماتيكا جانە ينفورماتيكا»، «حيميا، بيولوگيا جانە ەكولوگيا»، «تەحنيكا جانە تەحنولوگيا»، «فيزيكا جانە استرونوميا» باعىتتارى بويىنشا عىلىمي جوبالارىن ۇسىندى.  

Iرىكتەۋ كەزەڭىندە عىلىم دوكتورلارى مەن كانديداتتارىنان، جاس عالىمدار كەڭەسىنىڭ مۇشەلەرىنەن قۇرالعان كوميسسيا وقۋشىلاردىڭ عىلىمي جوبالارىنا باعا بەردى. عالىمدار جاس زەرتتەۋشىلەرگە وزدەرىنىڭ كەڭەستەرىن بەرىپ، جوبالارىن ارى قاراي دامىتۋدا وڭتايلى ۇسىنىستارىن بەرۋگە دايىن ەكەنىن كورسەتتى.

«عىلىم تاپپاي ماقتانبا...» تاقىرىبىنداعى «ۇزدىك عىلىمي جوبا - 2020» بايقاۋىنىڭ جەڭىمپازدارى:

م.ح. دۋلاتي اتىنداعى تاراز مەملەكەتتىك ۋنيۆەرسيتەتىندە جاراتىلىستانۋ-تەحنيكالىق باعىتىنداعى ءبىلىم بەرۋ باعدارلامالارى بويىنشا 

وقۋ تولەماقىسىنا 100% جەڭىلدىك

1,اسكاروۆا جانسايا  - جامبىل وبلىسى جامبىل اۋدانى، اسا اۋىلى، يۋ.گاگارين اتىنداعى مەكتەپ-ليتسەيدىڭ وقۋشىسى;

وقۋ تولەماقىسىنا 75% جەڭىلدىك

1, جيەنباەۆا شولپان – الماتى وبلىسى، قاراساي اۋدانى، شامالعان اۋىلى، ۇشقوڭىر قازاق ورتا مەكتەبىنىڭ وقۋشىسى;

م.ح. دۋلاتي اتىنداعى تاراز مەملەكەتتىك ۋنيۆەرسيتەتىندە گۋمانيتارلىق عىلىمدار باعىتىنداعى ءبىلىم بەرۋ باعدارلامالارى بويىنشا 

وقۋ تولەماقىسىنا 100% جەڭىلدىك

1, ءنۇرالى جانەركە – ت.رىسقۇلوۆ اۋدانى، ورنەك اۋىلى العاباس شاعىن ورتالىقتى ورتا مەكتەبىنىڭ وقۋشىسى;

وقۋ تولەماقىسىنا 75 % جەڭىلدىك

2, قانات جانەركە – تاراز قالاسى، اباي اتىنداعى №26 مەكتەپتىڭ وقۋشىسى;

وقۋ تولەماقىسىنا 50 % جەڭىلدىك

3, ءابۋ ارۋجان – جامبىل وبلىسى، تالاس اۋدانى، اقكول اۋىلى، ى.التينسارين اتىنداعى ورتا مەكتەپتىڭ وقۋشىسى

Abai.kz