وزبەك دەلەگاتسياسى توپان سۋ باسۋىنىڭ سالدارىمەن تانىسىپ، ولاردى جويۋعا قاجەتتى شارالاردى انىقتادى دەپ حابارلادى وزبەكستاننىڭ توتەنشە جاعدايلار مينيسترلىگىنىڭ ءباسپاسوز قىزمەتى. ناتيجەسىندە وزبەك تارابى تۇركىستان وبلىسىنا 209 قۇتقارۋشى مەن 169 قۇتقارۋ تەحنيكاسىن جىبەردى.

1 مامىردا تاڭعا جۋىق سىرداريا وبلىسىنداعى ساردوبا سۋ قويماسىنداعى بوگەت بۇزىلىپ، 22 ەلدىمەكەندى سۋ الدى. ول جاقتان 70 مىڭ ادام كوشىرىلدى. كەمىندە ءتورت ادام قايتىس بولىپ، بىرەۋى ءىز-ءتۇسسىز جوعالىپ كەتتى.

سۋ اپاتىنان قازاقستان ءوڭىرى دە زارداپ شەكتى. تۇركىستان وبلىسىنىڭ ماقتارال اۋدانىندا 845 ءۇي، 3 مەكتەپ، 5 بالاباقشا، 4 مەديتسينا عيماراتى مەن مادەنيەت ءۇيى جانە 54,7 كم كوپىر مەن جولدى سۋ العان. مۇنان وزگە 7639 گا ەگىستىك سۋ استىندا قالدى.

قازاقستان بيلىگى سۋ اپاتىنان 404 ميلليون تەڭگە (1 ملن دوللارعا جاقىن) شىعىن كەلدى دەپ وتىر.

Abai.kz