اتىراۋ وبلىسىنداعى تەڭىز كەن ورنىندا 100-گە جۋىق جۇمىسشى ستاتسيونارداعى كارانتين شارالارىن جەڭىلدەتۋدى سۇرادى،-دەپ حابارلادى Tengrinews.kz.

شتاب كەشە، 2 مامىردا "COC Realty" كومپانياسىنىڭ 100-گە جۋىق قىزمەتكەرى ستاتسيونارداعى تۇرۋ شارتتارىن جەڭىلدەتۋدى تالاپ ەتىپ شىققانىن حابارلادى.

"كومپانيانىڭ ءبىر جۇمىسشىسى كوروناۆيرۋس ينفەكتسياسىن جۇقتىرعانى راستالدى. سوندىقتان بارلىق قىزمەتكەر كارانتيندىك ستاتسيونار رەجيمىنە اۋىستىرىلعان بولاتىن. ولار تۇرمىستىق شارتتاردى الىپ تاستاۋدى تالاپ ەتتى. اتاپ ايتقاندا، جۇمىسشىلار تەمەكى شەگەتىن ورتاق ورىن، تاماق ىشەتىن ورتاق ورىن، بىرگە ۋاقىت وتكىزەتىن ورىن تالاپ ەتىپ وتىر. بۇل كارانتين كەزىندە وقشاۋلاۋ رەجيمىن بۇزۋ بولاتىندىقتان، ولاردىڭ تالابى قاناعاتتاندىرىلمادى", - دەپ حابارلادى شۇعىل شتاب.

مۇنايشىلار وقشاۋلاۋدى جەڭىلدەتۋدەن كەيىن جۇمىسىنا ۇستەمەاقى تولەۋدى تالاپ ەتە باستايدى. سەبەبى كارانتين ەنگىزىلگەننەن كەيىن كوپتەگەن جۇمىسشى ۆاحتادا ەكى كۇن قاتارىنان قالىپ قويعان.

"3 مامىردا جۇمىسشىلارمەن اكىمدىك قىزمەتكەرلەرى جانە جۇمىس بەرۋشى كەزدەستى. جۇمىس اقىسىن تولەۋ ماسەلەسى شەشىلدى", - دەلىنگەن شۇعىل شتابتىڭ حابارلاماسىندا.

ايتا كەتەيىك، قازىر اتىراۋ وبلىسىندا 175 ادام كوروناۆيرۋس جۇقتىرعان. ونىڭ ىشىندە، 111 ادام تەڭىز كەن ورنىندا تىركەلدى. قازىرگە دەيىن تەڭىزدەن 13 مىڭنان اسا قىزمەتكەر شىعارىلدى.

Abai.kz