اقتاۋدا الماتىدان بارعان جۋرناليست سوققىعا جىعىلدى
جۇلدىز تولەۋوۆا، «ستان.كز» اقپاراتتىق ۆيدەوپورتالى باس رەداكتورىنىڭ ورىنباسارى:
- ءبىزدىڭ ءتىلشىمىز وركەن بەيسەنوۆ پەن اسان ءاميلوۆ اقتاۋداعى مۇنايشىلار ەرەۋىلىن ءتۇسىرىپ جۇرگەن ەدى. ەستىگەن بولارسىزدار، وتكەن اپتادا ماڭعىستاۋ وبلىسىنداعى قىتايدىڭ مۇناي كومپانياسىندا ىستەيتىن قىتاي ازاماتى قازاق قىزىن زورلادى دەگەن اقپارات شىققان بولاتىن. وسى اقپاراتتى جان-جاقتى زەرتتەۋ ءۇشىن ءبىز وركەندى قالامقاسقا جىبەرگەن ەدىك. ءتىلشىمىز كەشە قالامقاسقا بارعان. بەلگىلى بولعانداي زورلىققا تاپ بولعان قازاق قىزى قاراقالپاقستاننان كەلىپ، قىتاي كومپانياسىندا اسپاز بولىپ جۇمىس ىستەگەن ەكەن. وقيعادان كەيىن قىتايلار قىزعا ءىرى كولەمدە اقشا بەرىپ، قاراقالپاقستانعا قايتارىپ جىبەرسە، قازاق قىزىن زورلاعان قىتايلىقتى ەلىنە اتتاندىرىپتى. تىلشىلەر قالامقاستا قىزدىڭ اكە-شەشەسىن ىزدەپ، ءبىر جاعىنان وڭىردەگى ەلدىڭ جاعدايىن ءبىلىپ، تۇندەلەتىپ اقتاۋ قالاسىنا ورالعان. بۇگىن تاڭەرتەڭ اقتاۋ قالاسىنداعى «ماڭعىستاۋمۇنايگاز» كومپانياسىنىڭ كەڭسەسىنە بارىپ، جوعارىداعى ماسەلەنىڭ انىق-قانىعىن ءبىلۋى كەرەك بولاتىن.
جۇلدىز تولەۋوۆا، «ستان.كز» اقپاراتتىق ۆيدەوپورتالى باس رەداكتورىنىڭ ورىنباسارى:
- ءبىزدىڭ ءتىلشىمىز وركەن بەيسەنوۆ پەن اسان ءاميلوۆ اقتاۋداعى مۇنايشىلار ەرەۋىلىن ءتۇسىرىپ جۇرگەن ەدى. ەستىگەن بولارسىزدار، وتكەن اپتادا ماڭعىستاۋ وبلىسىنداعى قىتايدىڭ مۇناي كومپانياسىندا ىستەيتىن قىتاي ازاماتى قازاق قىزىن زورلادى دەگەن اقپارات شىققان بولاتىن. وسى اقپاراتتى جان-جاقتى زەرتتەۋ ءۇشىن ءبىز وركەندى قالامقاسقا جىبەرگەن ەدىك. ءتىلشىمىز كەشە قالامقاسقا بارعان. بەلگىلى بولعانداي زورلىققا تاپ بولعان قازاق قىزى قاراقالپاقستاننان كەلىپ، قىتاي كومپانياسىندا اسپاز بولىپ جۇمىس ىستەگەن ەكەن. وقيعادان كەيىن قىتايلار قىزعا ءىرى كولەمدە اقشا بەرىپ، قاراقالپاقستانعا قايتارىپ جىبەرسە، قازاق قىزىن زورلاعان قىتايلىقتى ەلىنە اتتاندىرىپتى. تىلشىلەر قالامقاستا قىزدىڭ اكە-شەشەسىن ىزدەپ، ءبىر جاعىنان وڭىردەگى ەلدىڭ جاعدايىن ءبىلىپ، تۇندەلەتىپ اقتاۋ قالاسىنا ورالعان. بۇگىن تاڭەرتەڭ اقتاۋ قالاسىنداعى «ماڭعىستاۋمۇنايگاز» كومپانياسىنىڭ كەڭسەسىنە بارىپ، جوعارىداعى ماسەلەنىڭ انىق-قانىعىن ءبىلۋى كەرەك بولاتىن.
ءسويتىپ، ءتىلشى مەن وپەراتور جالداپ جاتقان پاتەرلەرىنەن ءۇيدىڭ الدىنا، سىرتقا شىققان كەزدە 708 مەملەكەتتىك ءنومىرى بار اق ءتۇستى تويوتا پرادو ماركالى ماشينا كەلىپ توقتاپ، ىشىنەن ءتورت جاس جىگىت تۇسكەندە ءاي-ءشاي جوق جۋرناليست پەن وپەراتوردى تەپكىنىڭ استىنا العان جانە رەزەڭكە وعى بار، دەنەگە جاراقات سالاتىن تاپانشامەن ءتىلشىنىڭ ارقاسىنان ەكى رەت جانە وپەراتوردىڭ اياعىنان اتىپ كەتكەن. ءارى ءجۋرناليستىڭ سومكەسىندەگى نوۋتبۋگىن الىپ كەتكەن. تىلشىمەن ءبىز skype تەز حات الماسۋ جەلىسىمەن حابارلاسىپ وتىراتىنبىز.
قازىر ءتىلشى مەن وپەراتور وبلىستىق اۋرۋحانادا. الايدا، وركەن جاڭا عانا بىزبەن حابارلاسىپ، دارىگەرلەر قاراماي جاتقانىن ايتتى. اۋىر سوققىنىڭ سالدارىنان وپەراتوردىڭ باسىنان قان كەتىپ جاتىر دەدى.
ال، جۋرناليستتەن تارتىپ الىپ كەتكەن نوۋتبۋك جۇمىس ىستەپ تۇرعانىن بىلدىك. ويتكەنى، skype تەز حات الماسۋ جەلىسى قوسىلىپ تۇر. دەمەك، نوۋتبۋكتى اكەتكەن ادامدار ونى اشىپ، ىشىندەگى بارلىق اقپاراتتاردى الىپ جاتقان بولۋى كەرەك.
ءتىلشىمىز جەرگىلىكتى قۇقىق قورعاۋ ورىندارىنا شاعىم ءتۇسىرىپتى. ءدال قازىر پوليتسەيلەر كەلىپ، ءىستىڭ قالاي بولعانىن سۇراپ جاتقان كورىنەدى.
«اباي-اقپارات»
