جەڭىستىڭ 75 جىلدىعىنا وراي الماتى وبلىسىنداعى 10 مىڭنان استام ازاماتقا ءبىر رەتتىك ماتەريالدىق كومەك بەرىلمەك. بۇل ماقساتتا وبلىستىق بيۋدجەتتەن 386 ملن. تەڭگە بولىنگەن. كومەكتى ەكىنشى دۇنيەجۇزىلىك سوعىستىڭ قاتىسۋشىلارىنا، مۇگەدەكتەرى الاتىن بولادى. مايدانگەرلەر ايتۋلى داتادا نازاردان تىس قالمايدى. كەرىسىنشە، ءوڭىر باسشىسى اماندىق باتالوۆ ارنايى قۇتتىقتاماق.

جالپى، الماتى وبلىسىندا 64 ۇوس ارداگەرى بار، ولاردىڭ ارقايسىسىنا 1 ملن تەڭگەدەن بەرىلدى. الماتى وبلىسىندا 9 سوعىس تۇتقىنى تۇرادى. ولاردىڭ ارقايسىسىنا 100 مىڭ تەڭگەدەن بەرىلەدى دەپ جوسپارلانعان. قورشاۋ كەزىندە لەنينگراد قالاسىندا كاسىپورىنداردا جۇمىس ىستەگەن جانە قالانى قورعاعانى ءۇشىن مەدالمەن ماراپاتتالعاندارعا 60 مىڭ تەڭگەدەن تولەنەدى. چەرنوبىل اپاتىنا قاتىسقان ادامدارعا 50 مىڭ تەڭگەدەن بەرىلەدى. جەتىسۋ وڭىرىندە ەكىنشى دۇنيەجۇزىلىك سوعىسىندا قازا تاپقانداردىڭ جەسىرلەرىنە جالپى سانى - 9 521 ادامعا 30 مىڭ تەڭگەدەن تابىستالادى. اتالعان قارجىلاي كومەكتى كورسەتۋ ءۇشىن بيۋدجەتتەن 285 ملن تەڭگە بولىنگەن. جوعارى دا ايتىپ وتكەن قارجى 30 ساۋىرگە دەيىن مايدانگەرلەرگە جانە ولارعا تەڭەستىرىلگەن بارلىق ساناتتاعى تۇلعالارعا تولەنەتىن بولادى.

كوروناۆيرۋستىق پاندەميا مەن كارانتيندىك شارالارعا جانە كۇردەلى ەپيدەميولوگيالىق جاعدايعا بايلانىستى الماتى وبلىسىندا مامىر ايىنداعى مەرەكەلەر بولمايتىنى بەلگىلى بولدى. بارلىق ءىس-شارالار ونلاين رەجيمىندە وتەدى.1 مامىر مەن 9 مامىر ارالىعىندا وبلىستا 1 728 ونلاين كونتسەرت پەن تىكەلەي ەفير وتكىزىلەدى. 25 مۋزەي بۇل ارالىقتا 417 ونلاين ەكسكۋرسيا ۇيىمداستىرادى. ال كىتاپحانالار 1 243 ونلاين كىتاپ كورمەسى مەن تاريحي ساباقتار وتكىزەدى. سونىمەن قاتار، وبلىستىق ارداگەرلەر ۇيىمىنىڭ سۇراۋىمەن «وتان ءۇشىن وت كەشكەندەر» اتتى كىتاپ جارىق كورەدى. ال، مايدان شەبىندە ورىندالعان اندەردى ءبىر تاسپاعا جيناقتاپ مايدانگەرلەرەگ تاراتىپ بەرۋ كوزدەلگەن.

ايمان اسىل

Abai.kz