بۇل تۋرالى 29 ساۋىردە قازاقستان ۇكىمەتىندە قۇرىلعان توتەنشە جاعدايدى قامتاماسىز ەتۋ بويىنشا مەملەكەتتىك كوميسسيا جيىنىندا ايتىلدى.
كوميسسيا شەشىمىنە ساي، 4 مامىردان باستاپ مىنا كاسىپكەرلىك سۋبەكتىلەرى قىزمەتىنە قايتا كىرىسەدى:
- اۋماعى 500 شارشى مەترگە دەيىن جەتەتىن ازىق-تۇلىكتىك ەمەس دۇكەندەر ساعات 17:00-گە دەيىن جۇمىس ىستەيدى.
- فوتوسالوندار، گۇل ساتاتىن دۇڭگىرشەكتەر;
- شاشتارازدار (الدىن الا جازىلۋ كەرەك);
- مەديتسينا ورتالىقتارى (الدىن الا جازىلۋ كەرەك);
- ستوماتولوگيا كلينيكالارى (الدىن الا جازىلۋ كەرەك);
- جىلجىمايتىن مۇلىكپەن وپەراتسيالارىن جۇزەگە اسىراتىن كومپانيالار، جارناما اگەنتتىكتەرى، ادۆوكاتتار، نوتاريۋستار;
- شاعىن قارجى ۇيىمدارى، ساقتاندىرۋ كومپانيالارى، لومباردتار، اقشا ايىرباستاۋ ورىندارى;
- اقپاراتتىق-كوممۋنيكاتسيالىق تەحنولوگيالار كومپانيالارى.
4 مامىردان باستاپ نۇر-سۇلتان مەن الماتىدان قىزىلورداعا، پەتروپاۆلعا، وسكەمەنگە جانە سەمەيگە ۇشاقتار ۇشا باستايدى. رەيستەر سانيتارلىق تالاپتار كۇشەيتىلىپ، از جولاۋشىلارمەن ۇشادى جانە بورتتا اراقاشىقتىقتى ساقتالۋى ءتيىس.
قازاقستاندا 29 ءساۋىر 18.00-دەگى مالىمەتكە ساي، ەلدە 3105 ادامعا ۆيرۋس جۇققان. 798 ادام جازىلعان. 25 ادام قايتىس بولدى.
قازاقستان پرەزيدەنتى قاسىم-جومارت توقاەۆ ەلدەگى توتەنشە جاعدايدى 11 مامىرعا دەيىن سوزعان. بىراق كارانتين شارالارى ءبىراز جەڭىلدەگەن.
باس سانيتار دارىگەر ايجان ەسماعامبەتوۆا 29 ءساۋىر كۇنگى بريفينگ كەزىندە قازاقستاندا ۆيرۋس جۇقتىرعاندار 8 پايىزدان 5,5 پايىزعا ازايدى، بىراق جەكەلەگەن ايماقتاردا سىرتتان كەلگەندەردەن ۆيرۋس انىقتالۋىنا بايلانىستى ناۋقاستاردىڭ ءوسۋى بايقالادى دەپ مالىمدەگەن. ول مامىر ايىنىڭ سوڭىنا دەيىن ناۋقاستار 5300-گە جەتەدى دەپ بولجايدى.
Abai.kz
