قر پارلامەنتى سەناتىندا "قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى" زاڭ جوبالارىن تالقىلاۋ جۇمىستارى باستالدى،-دەپ حابارلايدى سەنات سايتى. 

سونىمەن قاتار سەنات دەپۋتاتتارى "قر كەيبىر زاڭنامالىق اكتىلەرىنە قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدارىن دا قاراستىرادى.

زاڭ جوبالارى پارلامەنت سەناتىندا تىركەلگەننەن كەيىن قورىتىندى دايىنداۋ ءۇشىن پارلامەنت سەناتى اپپاراتىنىڭ كوميتەتتەرى مەن بولىمدەرىنە جىبەرىلگەن.

كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى جوباعا باس كوميتەت بولدى جانە سەنات دەپۋتاتى سارسەنباي ەڭسەگەنوۆ جاۋاپتى بولىپ بەلگىلەندى.دەپۋتاتقا بارلىق ماتەريالدار، ونىڭ ىشىندە قوعامدىق ۇيىمدار مەن قازاقستان رەسپۋبليكاسى ازاماتتارىنىڭ وتىنىشتەرى دە بەرىلدى.

بيىلعى 17 ساۋىردە زاڭ جوباسىن ازىرلەۋشىلەردىڭ قاتىسۋىمەن جۇمىس توبىنىڭ العاشقى وتىرىسى بولدى.

قازىرگى كەزدە جۇمىس توبىنىڭ وتىرىستارىن وتكىزۋ جوسپارلانىپ وتىر، وعان بارلىق مۇددەلى تۇلعالار مەن ۇيىمدار بەينەكونفەرەنتسيا (Zoom) ارقىلى قاتىسۋ مۇمكىندىگى بار.

باس كوميتەتتىڭ توراعاسى ۆلاديمير ۆولكوۆ سونىمەن قاتار ەقىۇ باعدارلامالار كەڭسەسىنىڭ باسشىسى ەلشى د.سابومەن تەلەفون ارقىلى سويلەستى. ۆ.ۆولكوۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باعدارلامالار كەڭسەسىنىڭ باسشىسىمەن بەيبىت جينالىستار وتكىزۋ جونىندەگى حالىقارالىق تاجىريبەنى تالقىلادى،- دەپ جازادى سەنات سايتى.

Abai.kz