Bloomberg اگەنتتىگىنىڭ دەرەككوزى بايانداما تۋرالى قوسىمشا اقپارات بەرمەگەن. قىتاي بيلىگى ۋحان قالاسىندا جەلتوقسان ايىندا تاراعان ۆيرۋستان 3300 ادام كوز جۇمدى، 82 مىڭنان استام ادامعا ۆيرۋس جۇقتى دەپ مالىمدەگەن ەدى.

اقش-تا 200 مىڭنان استام ادامعا ۆيرۋس جۇققان، ءتورت مىڭنان استام ادام قايتىس بولعان.

"قىتاي اشىق بولعاندا جاعداي الدەقايدا جاقسىراق بولار ما ەدى. قىتايدا ۆيرۋس پايدا بولعانى تۋرالى اقپارات الەمگە تارالعانعا دەيىن ەپيدەميا ءبىر اي بۇرىن باستالعان بولۋى مۇمكىن" دەدى سارسەنبى كۇنى اقش ۆيتسە-پرەزيدەنتى مايك پەنس. پرەزيدەنت ترامپ امەريكا بارلاۋ قىزمەتىنىڭ بايانداماسىمەن ءالى تانىسپاعانىن ايتىپ، پەكين بەرگەن دەرەكتى "جۇمساقتاپ ايتقاندا تولىق ەمەس" دەپ اتادى.

ەپيدەميانىڭ شىنايى اۋقىمىن كورسەتۋ كوروناۆيرۋستىڭ تارالۋىن مودەلدەۋ ءۇشىن ماڭىزدى جانە ونىمەن كۇرەستىڭ تيىمدىلىگىن باعالاۋ ءۇشىن وتە قاجەت. سەيسەنبى كۇنى كوروناۆيرۋسپەن كۇرەس جونىندەگى ترامپتىڭ كەڭەسشىسى، يممۋنولوگ دەبورا بيركس پەكين بەرگەن اقپارات كوروناۆيرۋستىڭ تارالۋ جىلدامدىعى مەن دامۋ تابيعاتىنا اسەر ەتتى دەپ ايتتى.

ۋحانداعى جەرلەۋ مەكەمەلەرىنىڭ ورتەلگەن ءمايىتتى سالاتىن ساۋىتقا كوپ تاپسىرىس بەرگەنى تۋرالى دەرەك بار. تۋىستارىنىڭ كۇلىن الۋ ءۇشىن مەكەمە الدىندا ۇزىن-سونار كەزەك پايدا بولعان. بۇل كوروناۆيرۋستان وتە كوپ ادامنىڭ قايتىس بولعانىن دالەلدەيدى. كەيبىر دەرەك بويىنشا، قىتايدا ۆيرۋستان قايتىس بولعاندار سانى 40 مىڭنان اسىپ كەتكەن.

Abai.kz