الماتىنىڭ باس سانيتارلىق دارىگەرى ايزات مولداقاسىموۆا كوروناۆيرۋس قاۋپىنە بايلانىستى كارانتينگە جاتقىزىلدى. بۇل تۋرالى اقپارات بۇگىن Facebook جەلىسىندە تارادى.

ول كوروناۆيرۋس جۇقتىرعان الماتىلىقپەن بىرگە  ءبىر ۇشىقتا بولعان. ياعني، گەرمانيادا ءبىر ۇشىقپەن ۇشىپ كەلگەن.

Tengrinews.kz اقپاراتىنا سۇيەنسەك، ايزات مولداقاسىموۆا قازىر ءوز ۇيىندە، كارانتينگە جاتىر.

"كوروناۆيرۋس جۇقتىرعان ازاماتپەن ءبىر ۇشاقتا بولعانىمدى بىلگەن ساتتە-اق، مەن جۇقپالى اۋرۋلار اۋرۋحاناسىنا جاتقىزىپ، وقشاۋلادى. كەشە عانا تەست ناتيجەلەرى شىقتى. ۆيرۋس بەلگىلەرى انىقتالعان جوق", - دەپتى مولداقاسىموۆا.

ونىڭ ايتۋىنشا، قازاقستانعا ترانزيت ارقىلى، گەرمانيا ارقىلى كارانتينگە جاتپايتىن باسقا ەلدەن ۇشىپ كەلگەن.

"ەندى ەكىنشى تەستتىڭ ناتيجەلەرىن كۇتۋ كەرەك. ونىڭ قورىتىندىلارى بەلگىلى بولعان سوڭ، مەن جۇمىسقا شىعامىن. ال مەنىمەن بىرگە ۇشقاندارعا كەلسەك، ولاردى دا تەكسەردى. ءبارى جاقسى", - دەيدى مولداقاسىموۆا.

الماتىنىڭ باس سانيتارىنىڭ ايتۋىنشا، ول كوروناۆيرۋس جۇقتىرعان اداممەن جاقىن بايلانىستا بولماعان.

"بۇل وبا ەمەس قوي. جاي عانا ينفەكتسيا. ول اسا ءبىر قاۋىپ ءتوندىرىپ تۇر دەپ ەسەپتەمەيمىن. كوروناۆيرۋسپەن اۋىرعاندار سانى تقماۋ جۇقتىرعانداردان كوپ ەمەس. ۋايىمداتاتىنى بۇل جاڭا ۆيرۋس. ءبىر جاعىنان بعان دەيىن دە جاڭا ۆيرۋستار بولعان. شوشقا تۇماۋى، قۇس تۇماۋى سەكىلدى...سوندىقتان اجيوتاج جاساۋدىڭ قاجەتى جوق", - دەيدى ايزات مولداقاسىموۆا.

ەستەرىڭىزگە سالا كەتەيىك، الماتىنىڭ باس سانيتارلىق دارىگەرى ايزات مولداقاسىموۆا 10 ناۋرىز كۇنى فرانكۋرتتان الماتىعا ۇشىپ كەلگەن. ال بۇعان دەيىن 9 ناۋرىزدا گەرمانيادان الماتىعا ۇشىپ كەلگەن ادامنان كوروناۆيرۋس انىقتالعانىن قر دمس ءمينيسترى ەلجان ءبىرتانوۆ حابارلاعان.

كەيىن انىقتالعانداي، ۇشاق 9 ناۋرىزدا ۇشىپ شىققانىمەن، الماتىعا 10 ناۋرىزدا جەتكەن. ال وسى ۇشاقتا الماتىنىڭ باس سانيتارى ايزات مولداقاسىموۆا دا بولعان.

Abai.kz