الماتىدا ناۋرىز مەيرامى قارساڭىندا تەراكت جاساماق بولعاندار قۇرىقتالدى. بۇل تۋرالى قر ۇقك حابارلادى.

"2020 جىلعى 13 ناۋرىزدا ۇلتتىق قاۋىپسىزدىك كوميتەتى جەدەل- ىزدەستىرۋ ءىس-شارالارىنىڭ ناتيجەسىندە الماتى قالاسىندا «دايش» (قازاقستاندا تىيىم سالىنعان) حالىقارالىق تەرروريستىك ۇيىمى يدەولوگياسىن ۇستانۋشىنى ۇستاپ، سوت سانكتسياسىمەن قاماۋعا الدى.

تۇتقىندالعان ادام ناۋرىز مەيرامىن مەرەكەلەۋ كەزەڭىندە حالىق كوپ شوعىرلانعان ورىنداردا تەراكت دايىندادى دەگەن كۇدىككە ىلىنگەن. تەرگەۋ ءىس-قيمىلدارى بارىسىندا ودان ەكى جاۋىنگەرلىك گراناتا الىندى.

كورسەتىلگەن ادامعا قاتىستى قازاقستان رەسپۋبليكاسى قىلمىستىق كودەكسىنىڭ 255 (تەرروريزم اكتىسى) جانە 258 (تەرروريستiك نەمەسە ەكسترەميستiك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك) باپتارى بويىنشا قىلمىستىق ىستەر قوزعالدى", دەلىنگەن رەسمي حابارلامادا.

Abai.kz