ساۋدا جانە ينتەگراتسيا ءمينيسترى باقىت سۇلتانوۆ كوروناۆيرۋس ينفەكتسياسىنا بايلانىستى سۋپەرماركەتتەر مەن بازارلاردا تۋىنداعان دۇربەلەڭگە بايلانىستى قازاقستاندىقتاردى سابىرعا شاقىردى.

«بىزدە دۇربەلەڭ بار دەگەن ءسوز شىقسا، ول اقپاراتقا سەنبەۋگە شاقىرامىن. الەۋمەتتىك جەلىلەردە سۋپەرماركەتتەن تۇسىرىلگەن سۋرەتتىڭ تاراپ جاتقانىن كوردىڭىزدەر. كەز كەلگەن سۋپەرماركەتتە ارقاشان ءارتۇرلى سۋرەتتى ءتۇسىرىپ، تاراتا بەرۋگە بولاتىنىن بىلەسىزدەر. ونىمدەر تۋرالى ايتار بولسام، ەشقانداي جەتىسپەۋشىلىكتىڭ جوقتىعىن اتاپ وتكىم كەلەدى. اقپاراتتىڭ ازدىعى سەزىلۋى مۇمكىن، بىراق ءبىز تاۋارلاردىڭ جەتىسپەۋشىلىگىنە جول بەرمەيمىز. بۇل بارىمىزگە بايلانىستى. دۇربەلەڭ تۋعىزۋدىڭ قاجەتى جوق»، - دەدى باقىت سۇلتانوۆ وكق-دە وتكەن ءباسپاسوز ءماسليحاتىندا.

ونىڭ ايتۋىنشا كوروناۆيرۋستىڭ تارالۋىنا قارسى تەڭدەسسىز شارالار قازاقستانداعى كارانتيندى ۇزاققا اپارمايدى. سونىمەن قاتار ول قازاقستاندا الەۋمەتتىك ماڭىزى بار ازىق-تۇلىك بويىنشا جاعداي تۇراقتى ەكەنىن جەتكىزدى.

«ەگەر وتكەن جىلى ءبىز ايتارلىقتاي ءوسىمدى بايقاساق، ال بۇگىنگى كۇنى ءوسىمدى تۋىنداتار بارلىق سەبەپ جويىلدى. العاشقى ەكى ايدا سوڭعى بەس جىلداعى ءوسىمنىڭ ەڭ مينيمالدى دەڭگەيىن كورىپ وتىرمىز. وسى كەزەڭدە 19 الەۋمەتتىك ماڭىزى بار تاۋارلار توپتارىندا 0,6 پايىزدىق ءوسىم بايقالدى»، - دەدى باقىت سۇلتانوۆ.

سونىمەن قاتار مينيستر ازىق-تۇلىك باعاسى باقىلاۋدا ەكەنىن جەتكىزدى.

«ەشقانداي پروبلەما جوق. ەشقانداي تاپشىلىق بولمايدى. ارينە كاسىپكەرلەر قولدان باعانى كوتەرەمىن دەسە، بۇنىڭ بارىنە سپەكۋلياتسيا دەپ باعا بەرۋ كەرەك. بۇل رەتتە ءتيىستى مەملەكەتتىك ورگاندار جۇمىس ىستەپ جاتىر»، - دەدى ول.

Abai.kz