قازاقستاندا وزبەك نە ۇيعىر ءوز تىلىندە اۋىلىنا كىرەبەرىستە وسىلاي جازۋ ىلسە، قازاقتان تاياق جەيتىنى انىق ەدى. سوسىن قالانىڭ ورتالىق بولىگىندە ۇلكەن ساعات قامالى بار ەكەن. ونىڭ قاسىنداعى اللەيادا اقش تۋىمەن قاتار شۆەيتساريا تۋى دا ءىلۋلى تۇردى. ەگەر وزبەك ءوز تۋىن قازاق جەرىندە ءىلىپ قويعاندا، تاعى دا ايقاس بولار ەدى.

سونىمەن، بەرن قالاسىنىڭ توڭىرەگىنە جانە وزگە دە كورشى شتاتتارعا كەزىندە ريم پاپاسىنان قىسىم كورگەن شۆەيتسارياداعى حريستيان ءدىنىنىڭ ميننەنونيتتەر اتتى تارماعى جاپپاي كوشكەن. ولار ەۋروپادا ءدىن ەركىندىگىن تاپپاي، اقش-قا جەتكەن. سودان بەرى ولاردىڭ ءدىني سەنىمىنە ەشقانداي قىسىم بولعان ەمەس ەكەن. ولار ءدىني سەنىمى بويىنشا جاڭا تەحنولوگيالاردى جانە جالپى دامۋدى نەگىز ەتەتىن كەز كەلگەن قۇرالدان باس تارتقان. مىسالى، وتە قولايلى فورد كولىكتەرى بولسا دا، ءار ءۇيدىڭ قاسىنان ات اربانى كورەسىڭ. ءالى كۇنگە دەيىن دۇكەننىڭ قاسىندا كولىك توقتايتىن تۇراقتان بولەك ات بايلاتىن ورىن دا بار.

ارينە، ولاردىڭ ومىرىنە گلوباليازاتسيا اسەر ەتپەي قويماعان. بىراق ولاردىڭ اراسىندا ءالى كۇنگە دەيىن وسى پرينتسيپتەرىنەن تايماعان ازاماتتارى بار ەكەن. سوسىن ولار ءۇشىن شۆەيتسارياداعى تاريحي مۇراسىن جانە ءتىلىن ۇمىتپاۋ ماڭىزدى ەكەن. قايدا قاراساڭىز، نەمىس تىلىندە جازۋلاردى كورەسىز. Cوسىن cول جادىگەرلەرىن جيناپ، كەلەسى ۇرپاققا دارىتۋمەن اينالىساتىن ارنايى كوممەرتسيالىق ەمەس ۇيىمدارى دا بار ەكەن.

ءبىز بىلەتىن الىپ اقش-تىڭ ىشىندە وسىنداي قاۋىمداستىقتار بار ەكەندىگىنە ءوزىم دە تاڭمىن. الداعى ۋاقىتتا يۋتا شتاتىنداعى مورموندارعا دا بارىپ قايتۋدى جوسپارلاپ وتىرمىز!

جولداس ءورىسبايدىڭ الەۋمەتتىك جەلىدەگى جازباسى

Abai.kz