سەرىك تۇرداليەۆ الماتى وبلىسى اكىمىنىڭ ورىنباسارى بولىپ تاعايىندالدى
الماتى وبلىسى اكىمىنىڭ جاڭا ورىنباسارى تاعايىندالدى،- دەپ حابارلايدى Tengrinews.kz
باعدات ءمانىزوروۆتىڭ ورنىنا بۇل قىزمەتكە سەرىك تۇرداليەۆ تاعايىندالدى. ول 2017 جىلى الماتى وبلىسى اكىمىنىڭ ورىنباسارى قىزمەتىنەن كەتكەن بولاتىن، ول قىزمەتتە 2012 جىلدان بەرى بولعان ەدى.
"سەرىك مەلسۇلى قىزمەتىنەن كەتكەن جوق دەپ تە ايتۋعا بولادى، سەبەبى ول وسى ۋاقىتقا دەيىن مەنىڭ شتاتتان تىس كەڭەسشىم بولدى. كەزىندە بىرگە قىزمەت ەتىپ باستاعانبىز. الماتىدا العاش رەت بيزنەس-فورۋم مەن قازىرگى جۇزەگە اسقان كوپتەگەن جوبانى وتكىزگەن بولاتىنبىز", - دەدى وبلىس اكىمى اماندىق باتالوۆ.
ەسكە سالايىق، بىلتىر 27 قىركۇيەكتە الماتى وبلىسى اكىمىنىڭ ورىنباسارى اباقتىعا قامالدى دەپ حابارلانعان بولاتىن. كەيىنىرەك ەكس-ورىنباساردىڭ قىزمەتىنەن كەتكەنى ايتىلدى.
Abai.kz
