ءبىرتانوۆتىڭ سوزىنشە، SCAT كومپانياسىنىڭ توكيودان نۇر-سۇلتانعا ۇشاتىن ۇشاعىندا Diamond Princess لاينەرىندە كارانتيندە بولعان ءتورت جولاۋشى بارىن مينيسترلىك باسقا جولاۋشىلارعا "ەسكەرتىپ ۇلگەرمەگەن".

- ۇشاقتا بولعان وزگە جولاۋشىلاردان كەشىرىم سۇرايمىز. جولاۋشىلاردى ۇشاققا وتىرعىزۋ تۋرالى شەشىم قابىلدانعاندا، ەسكەرتۋگە ۋاقىت بولمادى،- دەدى ول.

ءبىرتانوۆ جاپونيا جاعالاۋىندا كارانتيندە تۇرعان Diamond Princess لاينەرىندە بولعان قازاقستاننىڭ ءتورت ازاماتىنىڭ قولىندا "دەنساۋلىعى جاقسى" دەگەن مەديتسينالىق انىقتاماسى بولعانىن، سوندىقتان جاپونيا تارابى ولاردىڭ ۇشاققا وتىرۋىنا كەدەرگى جاساماعانىن ايتتى.

ء"تورت ادامعا تاعى ءۇش ءتۇرلى تەست جاسالادى. بۇل جايلى قوسىمشا مالىمەت بەرەمىز" دەدى مينيستر.

24 اقپان تۇندە جاپونيادان نۇر-سۇلتانعا كەلگەن اۋە رەيسىندە 20 ادام بولعان. تورتەۋى Diamond Princess لاينەرىندە بولعاندار، 8-ءى ەكيپاج مۇشەسى، 8-ءى وزگە جولاۋشى. ءمينيستردىڭ سوزىنشە، بارلىعى كارانتينگە جاتقىزىلعان.

20 قاڭتاردا جاپونيانىڭ يوكوگاما پورتىنان تەڭىزگە ساياحاتقا شىعىپ، اقپاننىڭ باسىندا كوروناۆيرۋسقا بايلانىستى پورتقا ورالعان، 3700 جولاۋشىسى بار Diamond Princess كەمەسى اقپاننىڭ 19-ىنا دەيىن كارانتيندە تۇرعان. كەمەدە 350-دەن استام ادامنىڭ كورونوۆيرۋس جۇقتىرعانى انىقتالعان.

Abai.kz