"دەنساۋلىق ساقتاۋ مينيسترلىگى، الەمدە كوروناۆيرۋسقا بايلانىستى جاعدايدى ەسكەرە وتىرىپ، دۇنيەجۇزى دەنساۋلىق ساقتاۋ ۇيىمى كەڭەسىنە ساي شەشىم قابىلدادى. سوعان سايكەس، جاپونيا، وڭتۇستىك كورەيا جانە يراننان ورالعاندار 14 كۇن كارانتيندە بولادى", - دەلىنگەن ءباسپاسوز قىزمەتىنىڭ حابارلاماسىندا.

بۇنىڭ الدىندا، 24 اقپاندا Vlast.kz سايتى قازاقستان بيلىگى سينگاپۋر مەن تايلاندتان ورالعانداردى كارانتينگە ورنالاستىراتىنىن، بۇعان قوسا گونكونگ، تايۆان جانە ماكاو، وڭتۇستىك كورەيا، جاپونيا، يتاليا جانە يراننان كەلگەندەردى تەكسەرۋدى جوسپارلاعانىن حابارلاعان. دەگەنمەن قازاقستاننىڭ دەنساۋلىق ساقتاۋ مينيسترلىگى ازىرگە قاۋلى قابىلداعان جوق.

قازاقستاننىڭ باس دارىگەرى جانداربەك بەكشين قازاقستاندىقتاردى وڭتۇستۇستىك كورەياعا بارماۋعا شاقىردى. بۇل ەلدە 602 ادام كوروناۆيرۋس جۇقتىرعان. ءبىر كۇندە ناۋقاس سانى 168-گە ارتقان.

سوڭعى مالىمەت بويىنشا، قىتايدا وتكەن جىلدىڭ جەلتوقسانىنان بەرى 77 مىڭ ادام كوروناۆيرۋس جۇقتىرسا، 2500-دەن اسا ادام قازا تاپتى.

Abai.kz