قوردايداعى قاقتىعىسقا قاتىستى 90-قا جۋىق قىلمىستىق ءىس قوزعالدى، ولاردىڭ 11-ءى ادام ءولتىرۋ دەرەگى بويىنشا. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ايتتى، - دەپ حابارلايدى Tengrinews.kz ءتىلشىسى.

"بۇگىندە 100-دەن اسا ادامنان جاۋاپ الىندى، پروتسەسسۋالدىق ءىس-شارالار ءجۇرىپ جاتىر. قاجەتتى ساراپتامالار تاعايىندالدى. بارلىق قاجەتتى پروتسەسسۋالدىق دالەلدەردى العان سوڭ كىنالىلەر جاۋاپكەرشىلىككە تارتىلادى", - دەدى قوجاەۆ.

"قىلمىستىق ىستەر وتە كوپ، وعان قوسا، كۇندەلىكتى تاعى قوسىلىپ جاتىر. سەبەبى قاقتىعىسقا قاتىستى جاڭا دەرەكتەر شىعىپ جاتىر. بۇگىندە 90-قا جۋىق قىلمىستىق ءىس قوزعالدى", - دەدى ول.

ۆەدومستۆو وكىلى ناقتى قانشا ادامنىڭ ۇستالعانى جايلى مالىمەتتى كەيىنىرەك ايتۋعا ۋادە بەردى.

ەسكە سالايىق، 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولعان ەدى. جاپپاي توبەلەسكە 300-گە جۋىق ادام قاتىسقان. اۋقاتتى اۋىلى جانە بۇلان باتىر اۋىلدارىندا جانجال شىقتى. بۇزاقىلار مەتالل زاتتارىن، اتىس قارۋىن قولدانعان بولاتىن.