بيىل 3 اۋدان ورتالىعىندا – جوسالى، تەرەڭوزەك جانە جالاعاش كەنتىشىلىك گاز جەلىلەرىنىڭ قۇرىلىسى جۇرگىزىلۋدە. اعىمداعى جىلى وسى اۋدان ورتالىقتارى مەن ارال اۋدانى جاقسىقىلىش كەنتىنىڭ تۇرعىندارى كوگىلدىر وتىنعا قول جەتكىزەدى دەپ جوسپارلانۋدا.

قازىرگى تاڭدا وبلىس حالقىنىڭ 64,5%-ى تابيعي گازدى تۇتىنىپ وتىر. وسى ۋاقىتقا دەيىن قىزىلوردا، بايقوڭىر قالالالارى مەن 4 اۋدان ورتالىعى گازعا قوسىلدى. 

ايماق باسشىسى الداعى ۋاقىتتا باسقا دا ەلدى مەكەندەردى گازداندىرۋ ماسەلەسىنە قاتىستى پىكىرىن ءبىلدىردى.

«ورتالىق مەملەكەتتىك ورگاندارمەن بىرلەسىپ 2020 جىلى تۇرعىندار سانى 24 مىڭداي ادامدى قۇرايتىن قازالى اۋدانىنىڭ قازالى قالاسى مەن مۇراتباەۆ ەلدى مەكەنىن جانە شيەلى اۋدانىنىڭ بايسىن، قودامانوۆ، بيدايكول، بەكەجانوۆ، العاباس ەلدى مەكەندەرىن گازداندىرۋ جوبالارىن ىسكە اسىرۋدى باستاۋ ماسەلەلەرىن پىسىقتاپ جاتىرمىز. كەلەسى كەزەڭدە تىرەكتى ەلدى مەكەندەر گازداندىرىلادى»، - دەدى وبلىس اكىمى ق.ىسقاقوۆ.

سونداي-اق، 2021 جىلى تورەتام جانە اقاي، 2021-2022 جىلدارى سەكسەۋىل، ناۋرىز جانە ماحامبەتوۆ ەلدى مەكەندەرى گازعا قوسىلادى دەپ جوسپارلانۋدا.

2020 جىلدىڭ سوڭىنا قاراي ەلدى مەكەندەردى گازداندىرۋ دەڭگەيى 70%-عا دەيىن جەتەدى دەپ كۇتىلۋدە.

بۇگىن، 2020 جىلى 19 اقپاندا، ن.بەكەجانوۆ اتىنداعى وبلىستىق دراما تەاترىندا قىزىلوردا وبلىسىنىڭ اكىمى قۋانىشبەك ىسقاقوۆتىڭ حالىق الدىندا ەسەپ بەرۋ كەزدەسۋى ءوتتى، جيىندا ايماق باسشىسى وتكەن جىلدى قورىتىندىلاپ، الداعى جوسپارلار تۋرالى باياندادى. 

ەسەپتى كەزدەسۋ "Qyzylorda" وبلىستىق تەلەارناسىنىڭ ەفيرىندە، "قىزىلوردا وبلىسى اكىمدىگىنىڭ" رەسمي "facebook" پاراقشاسىندا جانە "youtube" الەۋمەتتىك جەلىلەرى ارقىلى تىكەلەي ەفيردە كورسەتىلدى.

Abai.kz