مەملەكەت باسشىسى قاسىم-جومارت توقاەۆ بىرىككەن اراب امىرلىكتەرىنە رەسمي ساپارمەن باردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي الەۋمەتتىك جەلىدەگى پاراقشاسىندا جازعان.

-بۇگىن قازاقستان پرەزيدەنتى ابۋ-ءدابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسەدى. كەزدەسۋدە ەكىجاقتى ىنتىماقتاستىق ماسەلەسى كەڭ اۋقىمدا تالقىلانادى. ساپار بارىسىندا ءباا ىسكەرلىك توپتارىنىڭ وكىلدەرىمەن دوڭگەلەك ۇستەل وتكىزۋ جوسپارلانعان، -دەپ جازدى ول.

سونداي-اق، قاسىم-جومارت توقاەۆ 28 قاڭتاردا دۋبايدا بىرىككەن اراب امىرلىكتەرىنىڭ ۆيتسە-پرەزيدەنتى، پرەمەر-ءمينيسترى، دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەسەدى.

جانە، دۋباي حالىقارالىق قارجى ورتالىعىنا (DIFC) بارىپ، بىرىككەن اراب امىرلىكتەرى كومپانيالارىنىڭ باسشىلارىمەن كەزدەسۋ وتكىزەدى.

Abai.kz