ينتەرپولدى 2016 جىلدان بەرى باسقارىپ كەلگەن حۋنۆەي 2018 جىلى قىركۇيەكتە قىتايعا بارعاندا جوعالىپ كەتكەن. بەيجىڭ ءبىر ايدان كەيىن عانا ول پارا العان دەگەن كۇدىكپەن قاماۋعا الىنعانىن مالىمدەدى.
2019 جىلى ماۋسىمدا سوت وتىرىسىندا مەن حۋنۆەي ەكى ميلليوننان استام دوللار پارا العانىن مويىنداعان. قىتايدىڭ كوممۋنيستىك پارتياسى شەنەۋنىك قىزمەتىن پايدالانىپ، مەملەكەت اقشاسىن شاشتى دەپ جاريالادى.
حۋنۆەي ينتەرپولدى باسقارعانعا دەيىن قىتايدا قوعامدىق قاۋىپسىزدىك بويىنشا ءمينيستردىڭ ورىنباسارى بولىپ ىستەگەن. ونىڭ ايەلى كۇيەۋىنىڭ قامالاۋىندا ساياسي استار بار ەكەنىن ايتىپ كەلەدى. ول ينتەرپول ونىڭ وتباسىن قورعاپ قالا المادى دەپ، ۇيىمدى سوتقا بەرگەن.
كەزىندە مەن حۋنۆەيدىڭ ينتەرپول باسشىلىعىنا تاعايىندالۋى قۇقىق قورعاۋ ۇيىمدارى تاراپىنان سىنعا الىنعان. حالىقارالىق ادام قۇقىقتارىن قورعاۋ ۇيىمدارى قىتاي شەتەلدەگى ديسسيدەنتتەردى ۇستاۋ ءۇشىن ينتەرپولدى پايدالانۋى مۇمكىن دەپ ەسەپتەگەن.
Abai.kz
