ازاتتىقتىڭ تاجىك قىزمەتى قۇقىق قورعاۋ ورگاندارىنداعى دەرەككوزىنە سۇيەنىپ حابارلاعانداي، سوڭعى ەكى اپتانىڭ ىشىندە اتالعان قوزعالىس مۇشەسى دەپ قامالعانداردىڭ سانى كوبەيىپ جاتىر.
اقپاراتقا قاراعاندا، 20 قاڭتارعا دەيىن كەمىندە 70 ادامعا قىلمىستىق ءىس قوزعالعان. ولاردىڭ ءبارى "ەكسترەميستىك قوزعالىستى ۇيىمداستىرۋ" جانە "تىيىم سالىنعان ۇيىمعا مۇشە بولۋ" باپتارى بويىنشا ايىپتالىپ جاتىر.
قامالعانداردىڭ اراسىندا تاجىكستاننىڭ شەت تىلدەر ينستيتۋتىنىڭ قىزمەتكەرلەرى، تاجىك مەملەكەتتىك مەديتسينالىق ۋنيۆەرسيتەتىنىڭ كافەدرا جەتەكشىسى، يسفارا قالالىق مۇلىك باسقارماسىنىڭ باسشىسى جانە بەلگىلى كاسىپكەر بار ەكەنى ايتىلادى.
تاجىكستاندا "مۇسىلمان اعايىندار" قوزعالىسىنىڭ ءىس-ارەكەتىنە 2006 جىلى جوعارعى سوتتىڭ شەشىمىمەن تىيىم سالىنعان. 2016 جىلى بۇل ۇيىمعا قاتىسى بار جانە جاستاردى سيرياداعى سوعىسقا ازعىرعان دەگەن كۇدىكپەن ەلدىڭ سولتۇستىگىندە بەس يمام قامالىپ، ارقايسىسى بەس جىلعا باس بوستاندىعىنان ايىرىلعان.
Abai.kz
