الماتى قالاسى، جەتىسۋ اۋداندىق سوتى ارمان شوراەۆتىڭ 2019 جىلدىڭ 6 قازان كۇنى «Facebook» الەۋمەتتىك جەلىسىندە جاريالانعان ماتەريالعا بايلانىستى ابزال قۇسپان مەن ساۋلە ابدىلداحانقىزىنان مورالدىق شىعىن تالاپ ەتكەن ارىزىن قاناعاتتاندىرمادى. 

بۇعان دەيىن ارمان شوراەۆ ءوزىن يسلام ابىشەۆ ىسىنە ارالاستىردى دەگەن ايىپپەن ابزال قۇسپان مەن ساۋلە ابىلداحانقىزىنىڭ ۇستىنەن شاعىمدانىپ، مورالدىق شىعىن رەتىندە 10 ميلليون تەڭگە تالاپ ەتكەن بولاتىن. شوراەۆتىڭ سوتقا ارىزدانۋىنا جۋرناليست ساۋلە ابىلداحانقىزىنىڭ الەۋمەتتىك جەلىدەگى جازباسى سەبەپ بولعان.

الايدا، 6-قاڭتار كۇنى الماتى قالاسىنىڭ جەتىسۋ اۋداندىق سوتى قر اكىمشىلىك كودەكسىنىڭ 168, 279, 280, 268, 269 باپتارىنا سۇيەنە وتىرىپ، ارمان شوراەۆتىڭ مورالدىق شىعىن تالاپ ەتكەن ارىزىن قاناعاتتاندىرمادى.

زاڭ بويىنشا، ايىپتاۋشى تاراپ 10 كۇن ىشىندە الماتى قالالىق سوتىنا شاعىمدانۋعا قۇقىلى.

Abai.kz