جۇماعا قارسى ينتەرنەت كەڭىستىگىندەگى الەۋمەتتىك جەلىلەردە تومەندەگىدەي مازمۇنداعى اقپار تاراعان ەدى. (اقپاردى «ءتىلىن» بۇزباي سول قالپىندا بەرىپ وتىرمىز)

«ەرتەن جۋما كۇنى ساگات 12-دە تاۋەلسىزدىك مونۋمەنتىنىن جانىندا ۋلكەن ميتينگ بولادى. ونداگى ماكسات كازاكستانداگى ورىستىن شوۆينيستىك پيگىلىنا توسكاۋىل كويىپ، ءوزىمىزدىن ۋلتتىك مۋددەمىزدى كورگاۋ! «لاد» سياكتى ەكسترەميستىك ۋيىمداردى جاپتىرىپ، كازاك حالكىنا كارسى سوز ايتكانداردى بۋدان بىلاي جازاسىز كالدىرماۋدى تالاپ ەتەمىز. كۋزىرلى ورگاندار مەن اكيماتتىن رۋكساتى بار. كازاك ۋلتىنىن،كازاك ءتىلىنىن ءمۋساپىر حالىنە نامىستاناتىن كازاكتاردى الاندا كۋتەمىز! جاستاردىن ۋلتشىل ۋيىمدارى. 10 ادامگا تاراتىنىز وسىنى!»

ءدال وسى «جاڭالىقتىڭ» ىزىمەن كورسەتىلگەن ۋاقىتتا «رەسپۋبليكا» الاڭىنداعى «تاۋەلسىزدىك» مونۋمەنتىنىڭ تۇبىنە باردىق (الماتى قالاسى). ازاماتتىق كيىمدەگى جانە فورماداعى بىرنەشە پوليتسەيدى كەزدەستىردىك. ولار ءبىزدىڭ تولقۇجاتىمىزدىڭ ءنومىرىن، اتى-ءجونىمىزدى، قاي باسىلىمنان ەكەنىمىزدى ۇلكەن قارا قويىن داپتەرىنىڭ ورتا شەنىن اشىپ، جازىپ الدى. ازاماتتىق كيىمدەگى بۇل پوليتسەيدىڭ سويى - جەتىباەۆ تالعات ەكەن. (سۋرەتتە) ونىڭ جانىندا ءبىرتۇرلى فورما كيگەن، قولىنا كامەرا ۇستاعان كوزىلدىرىكتى، ورىس ءتىلدى ءبىر قازاق  جانە بىرنەشە پوليتسەي ءتيىپ-قاشىپ كەلىپ، كەتىپ ءجۇردى.

جۇماعا قارسى ينتەرنەت كەڭىستىگىندەگى الەۋمەتتىك جەلىلەردە تومەندەگىدەي مازمۇنداعى اقپار تاراعان ەدى. (اقپاردى «ءتىلىن» بۇزباي سول قالپىندا بەرىپ وتىرمىز)

«ەرتەن جۋما كۇنى ساگات 12-دە تاۋەلسىزدىك مونۋمەنتىنىن جانىندا ۋلكەن ميتينگ بولادى. ونداگى ماكسات كازاكستانداگى ورىستىن شوۆينيستىك پيگىلىنا توسكاۋىل كويىپ، ءوزىمىزدىن ۋلتتىك مۋددەمىزدى كورگاۋ! «لاد» سياكتى ەكسترەميستىك ۋيىمداردى جاپتىرىپ، كازاك حالكىنا كارسى سوز ايتكانداردى بۋدان بىلاي جازاسىز كالدىرماۋدى تالاپ ەتەمىز. كۋزىرلى ورگاندار مەن اكيماتتىن رۋكساتى بار. كازاك ۋلتىنىن،كازاك ءتىلىنىن ءمۋساپىر حالىنە نامىستاناتىن كازاكتاردى الاندا كۋتەمىز! جاستاردىن ۋلتشىل ۋيىمدارى. 10 ادامگا تاراتىنىز وسىنى!»

ءدال وسى «جاڭالىقتىڭ» ىزىمەن كورسەتىلگەن ۋاقىتتا «رەسپۋبليكا» الاڭىنداعى «تاۋەلسىزدىك» مونۋمەنتىنىڭ تۇبىنە باردىق (الماتى قالاسى). ازاماتتىق كيىمدەگى جانە فورماداعى بىرنەشە پوليتسەيدى كەزدەستىردىك. ولار ءبىزدىڭ تولقۇجاتىمىزدىڭ ءنومىرىن، اتى-ءجونىمىزدى، قاي باسىلىمنان ەكەنىمىزدى ۇلكەن قارا قويىن داپتەرىنىڭ ورتا شەنىن اشىپ، جازىپ الدى. ازاماتتىق كيىمدەگى بۇل پوليتسەيدىڭ سويى - جەتىباەۆ تالعات ەكەن. (سۋرەتتە) ونىڭ جانىندا ءبىرتۇرلى فورما كيگەن، قولىنا كامەرا ۇستاعان كوزىلدىرىكتى، ورىس ءتىلدى ءبىر قازاق  جانە بىرنەشە پوليتسەي ءتيىپ-قاشىپ كەلىپ، كەتىپ ءجۇردى.

سونىمەن ساعات ءتىلى 12-گە اۋعاندا ءارتۇرلى باق-تان ارىپتەس - جۋرناليستەر جينالا باستادى.

سالدەن كەيىن مۇرتى جوق ساقالى بار، سالدەلى، اق شاپاندى جانە سىقيىپ كاستۇم-شالبار كيگەن ەكى ادام پايدا بولدى. ولاردىڭ جانىنا جەتكەن پوليتسەي الاڭدا نە ىستەپ جۇرگەندەرىن سۇراپ ەدى، ساقالدى كىسى: «ينتەرنەتتەن وسى جەردە قازاق ءتىلىن قورعاۋعا بايلانىستى جيىن وتەدى دەگەندى ەستىپ كەلدىك»، دەپ ەدى، پوليتسەي: «اكىمشىلىك ەشقانداي جيىنعى رۇقسات بەرگەن جوق» دەدى. ساقالدى مەن كاستۇم كيگەن ەكى ادام جونىنە كەتتى.

ەندى كىم كەلەر ەكەن دەپ ەلەڭدەپ تۇرعانىمىزدا، ىزدەگەنىمىز كوكتەن ەمەس، جەردەن تابىلا كەتتى. ۇلتشىل ازامات ناعاشىباي ەسمىرزاەۆ, (سۋرەتتە) «ۇلت  تاعدىرى» قوزعالىسىنان بولات دۇيسەمبى باستاعان بىرنەشە ادام كەلە قالعانى سول ەدى، اياق استىنان اكىمشىلىكتىڭ كاستۇم كيىپ، گالۋستۋك تاققان جاس قىزمەتكەرلەرى، يا كوكتەن، يا جەردەن شىققانى بەلگىسىز ءبىر توپ پوليتسەي جان-جاققان مەنمۇندالاپ شىعا كەلدى.

باياعى سول سۇراق: «الاڭعا نە ءۇشىن كەلدىڭىزدەر؟» ۇلتتىڭ «ەسىمىز» دەپ جۇرگەن ەسمىرزاەۆ باستاعان توپ ينتەرنەت كەڭىستىگىندە تارالعان «اقپار» بويىنشى كەلىپ قالعاندارىن ايتتى. ال، پوليتسەيلەر بولسا، زاڭعا سايكەس قالا اكىمشىلىگى ەشقانداي ميتينگىگە رۇقسات بەرمەگەنىن، سوندىقتان تىنىش تاراپ كەتۋ كەرەكتىگىن قۇلاقتارىنا قۇيدى.

اتىشۋلى «اقپاردى» الاڭعا كەلگەن ازاماتتاردىڭ قايدان بىلگەنى جونىندەگى ساۋالعا جينالعاندار ىشىنەن بىرنەشە ادام «زوناكز.نەت»، «اباي.كز» سايتتارىمەن، «مايل.رۋ» جەلىسىنەن كورگەندەرىن جەتكىزدى. بىراق اكىمشىلىك قىزمەتكەرلەرى مەن پوليتسەيلەر اتالعان «اقپاردى» وزدەرىنىڭ قايدان كورگەندەرىن ايتپاي كەتتى...

اقىرى، ناعاشىباي ەسمىرزاەۆ جينالعان جۋرناليستەرگە مادەنيەت مينيسترلىگى دايىنداعان «ءتىل تۋرالى» زاڭ جوباسىنا جانە وعان قارسى شىققان ورىس ءباسپاسوزى مەن ماكسيم اكيموۆ دەيتىننىڭ ماقالاسى جونىندەگى ويلارىن ايتىپ بەردى.

ءسويتىپ، «ولگەندە كورگەن ءبىر توبەلەس  تە» تىنىش اياقتالىپ كەلە جاتقاندا «رۋحانيات - جاسىلدار» پارتياسى توراعاسىنىڭ ورىنباسارى بەشىر جانالتاي (سۋرەتتە) مىرزا كەلىپ جەتتى. ول كىسى دە «بولعانىنان بولادىسى قىزىق» بولعان ميتينگ تۋرالى پىكىرىن ايتتى.

ءسويتىپ، ايگىلى الاڭدى ارتقا تاستاپ، اساي-مۇسەيىمىزدى ارقالاپ بىزدە قايتتىق.

بىزدىڭشە، بۇل بەلگىسىز ادامداردىڭ قازاق قوعامى اراسىندا الەۋمەتتىك جەلىلەردىڭ ىقپالى مەن سالماعىن اڭداپ كورۋ ماقساتىندا جاساعان دۇنيەسى سىقىلدى. سەبەبى، الگى اقپار سايتتاردىڭ پىكىر الاڭدارىنا سالىنعان جانە الەۋمەتتىك جەلىلەر ارقىلى تاراعان. البەتتە، ميتينگ وتكىزۋشىلەر ادەتتە اكىمشىلىكتىڭ رۇقساتىمەن جەرگىلىكتى بيلىك بەلگىلەپ بەرگەن جەردە عانا وتكىزەدى. ءارى جيىلىستى ۇيىمداستىرۋشىلاردىڭ اتى-ءجونى اتالىپ، ماقساتى كورسەتىلەدى. ينتەرنەت ارقىلى تاراعان  اقپاردا ەشقانداي ۇيىمنىڭ، ادامنىڭ ەسىمى، اتاۋى اتىمەن جوق. سوندىقتان دا الىپ-قاشپا اڭگىمەنىڭ وزەگىنە  اينالدى.  بارشا جۇرتقا ايان: اتا زاڭدا بەيبىت شەرۋلەر، جيىندار، ميتينگىلەر وتكىزۋگە مەملەكەت ازاماتتارى قۇقىلى. الايدا، كەيىن كەلە شەرۋ، ميتينگ وتكىزۋ ءۇشىن جەرگىلىكتى بيلىكتەن رۇقسات الۋدى مىندەتتەيتىن زاڭ قوسىلدى. وسىلايشا، قازاقستاندىق «دەموكراتيا» مەن «ادام قۇقىنىڭ» «وزىق» «ۇلگىسى» جاسالدى. سودان بەرى بيلىككە حالىقتىڭ وي-پىكىرىن ايتۋ ءتاسىلى  تەك بيلىكتىڭ بۇيرىعىمەن عانا جۇزەگە اساتىن بولدى.

ايتپاقشى، الاڭعا كەلگەن ازعانا ازاماتتىڭ سوزدەرىن ەستىپ، ءبىر شەتكە ۇيىرىلە قالعان ءبىر توپ جاستاردى ءبىر پوليتسەي عانا بارىپ، «ءتۇزۋ جولعا» سالعانىن كوردىك. ارلى-بەرلى ءوتىپ جاتقان ەلدەن، الاڭداعى كوپ ازاماتتاردان پوليتسەيلىك ۇرەي بايقادىق.

P.S.

وسى وقيعادان كەيىن رەداكتسيامىزعا تەلەفون شالعان ارىپتەس جۋرناليستەر «ميتينگىنى «اباي.كز» پورتالى ۇيىمداستىرىپتى» دەگەن اقپارات راس پا؟»، دەپ سۇراۋ سالدى. «اباي.كز» اقپاراتتىق پورتالى اتالعان ميتينگىگە ەشقانداي قاتىسىنىڭ جوقتىعىن رەسمي تۇردە مالىمدەيدى. ميتينگىگە شاقىرعان اقپار ءتۇرلى الەۋمەتتىك جەلىلەر مەن سايتتاردىڭ پىكىر الاڭىندا جاريالانعانىنداي «اباي.كز» پورتالىنىڭ ءارتۇرلى ماقالالارىنىڭ استىنداعى پىكىر الاڭىنا عانا تۇسكەنىن حابارلايمىز.

«اباي-اقپارات»