ورال قالاسىندا اتتى ءVىىى «التىن دومبىرا» رەسپۋبليكالىق اقىندار ايتىسى ءوتتى. ايتىسىنىڭ باس جۇلدەسىن بەلگىلى اقىن رۇستەم قايىرتايۇلى جەڭىپ الدى.

حالىقارالىق ايتىس اقىندارى مەن جىرشى-تەرمەشىلەر وداعىنىڭ باسقارما توراعاسى ءجۇرسىن ەرمان جۇرگىزگەن دودانىڭ فينالىندا ون اقىن ونەر كورسەتتى. ال اقتىق سىنعا رۇستەم قايىرتايۇلى مەن بۇعان دەيىن «التىن دومبىرا» جۇلدەسىن ەكى مارتە جەڭىپ العان مۇحتار نيازوۆ شىقتى.

قازىلار القاسىنىڭ شەشىمىمەن «التىن دومبىرامەن» بىرگە باس جۇلدە (4 ملن تەڭگە) رۇستەم قايىرتايعا بەرىلدى.

مۇحتار نيازوۆ ءبىرىنشى جۇلدەگە (2 ملن تەڭگە) قوسا «ايتىستىڭ اقتاڭگەرى» اتاعىنا يە بولدى.

جانسايا مۋسينا مەن قازىرەت بەردىحان ەكىنشى (1 ملن تەڭگەدەن) ، ايبەك قاليەۆ پەن ءومىرجان كوپبوسىنوۆ ءۇشىنشى (700 مىڭ تەڭگەدەن) ورىنعا كوتەرىلسە، اسپانبەك شۇعاتاەۆ، اسەم ەرەجەقىزى، قانات مىرزاحانعا ارنايى جۇلدە (350 مىڭ تەڭگەدەن) بەرىلدى.

ايتىس مەتسەناتى، «Tas Group» كومپانيالار توبىنىڭ جەتەكشىسى دۋلات تاستەكەەۆ باتىسقازاقستاندىق باۋىرجان شيرمەدينۇلىنا جالپى قۇنى 2,4 ملن تەڭگەلىك ءبىر جىلدىق ستيپەنديا تاعايىندادى. سونداي-اق كاسىپكەر قاراعاندىلىق ديدار قاميەۆ پەن ورالدىق اقىن، وسى ايتىستى ۇيىمداستىرۋشىلاردىڭ ءبىرى باۋىرجان حاليوللاعا ات مىنگىزدى.

جۇلدەلەردى قر مادەنيەت جانە سپورت ۆيتسە-ءمينيسترى نۇرعيسا داۋەشوۆ، «نۇر وتان» پارتياسىنىڭ حاتشىسى عابيدوللا وسپانقۇلوۆ، باتىس قازاقستان وبلىسىنىڭ اكىمى عالي ەسقاليەۆ جانە اقىن، مەملەكەتتىك سىيلىقتىڭ يەگەرى نەسىپبەك ايتۇلى توراعالىق ەتكەن قازىلار القاسى تاپسىردى.

Abai.kz